𝗠̲𝗲̲𝗻̲ ̲𝗼̲𝗳̲ ̲𝗣̲𝗿̲𝗶̲𝗻̲𝗰̲𝗶̲𝗽̲𝗹̲𝗲̲:̲ ̲𝗞̲𝗮̲ ̲𝗨̲𝗽̲𝗮̲𝘁̲𝗺̲𝗶̲ ̲𝗖̲𝗵̲𝗶̲𝗻̲ ̲𝗥̲𝗮̲𝗺̲𝗸̲𝗵̲𝗲̲𝗹̲ ̲𝗛̲𝗿̲𝘂̲𝗮̲𝗶̲𝘁̲𝘂̲ ̲𝗣̲𝗮̲𝘁̲𝗵̲𝘂̲𝗺̲ ⟨estimated reading time: 6 minutes, 1317 words ⟩

“Nangmah von chim lo, CIA le American te pawl hmanh nih an ka ngiar lengmang hmanhah a rak ikam lomi, a principle a lonh bak lomi ah na ka rel lo maw. Minung asimi nih cun kalpimi, dirpimi ngeih bak ding, cu dirpimi rileng cu lonh lo ding asi”

𝗣𝘂 𝗛𝗿𝗮𝗻𝗴 𝗡𝗮𝘄𝗹 kha interview tuah an hal lengmang i cu lioah a lehnak hna bia asi. Mi tampi nih ral a thawhnak, a ralṭhatnak, holh le bia a rumnak hna khi an chim tawn. Kei nih Pu Hrang Nawl ka upatnak cu: dirhmun fek “principle” a ngeihmi, a principle ahcun zeitluk harnak zong a kal taak khawh i sifah zong a tuar khawhmi kha asi––”miroling” ti zongin kan ti.

June 1951 thimnak ah MP hmun 10 hmumi Pu Za Hre Lian nih khan Chin cozah cu aser awk asi ko i Chin Vuanci a tlaih colh ding zong asi. MP hmun 2 lawng hmumi Capt. Mang Tung Nung cu chim awk khi a um lo.

Nain, Prime Minister U Nu nih 𝗖𝗮𝗽𝘁. 𝗠𝗮𝗻𝗴 𝗧𝘂𝗻𝗴 𝗡𝘂𝗻𝗴 tu kha Chin cozah ser afial, Chin Vuanci cu a pek. U Nu hi phung a buar lo. Zeicatiah Chin Vuanci cu Union Cabinet Member asi fon caah section 197 ningin amah a duhmi Union Cabinet cu sernak nawl a ngei.

Nain, Capt. Mang Tung Nung nih a duh maw ti ahcun duh hlah! “𝑍𝑒𝑖𝑡𝑖𝑛𝑑𝑎ℎ 𝑀𝑃 2 𝑙𝑎𝑤𝑛𝑔 𝑎 ℎ𝑚𝑢𝑚𝑖 𝑛𝑖ℎ 𝐶ℎ𝑖𝑛 𝑉𝑢𝑎𝑛𝑐𝑖 𝑙𝑒 𝐶ℎ𝑖𝑛 𝑐𝑜𝑧𝑎ℎ 𝑐𝑢 𝑘𝑎 𝑠𝑒𝑟 𝑙𝑎𝑖, 𝑎 𝑡𝑎𝑧𝑎 𝑙𝑜, 𝑑𝑒𝑚𝑜𝑐𝑟𝑎𝑐𝑦 𝑝ℎ𝑢𝑛𝑔𝑘𝑎𝑙ℎ 𝑎𝑠𝑖” tiah ati ––a duh lo!

Mi tampi nih Zomi sinain “Chin” min a pommi, Chin nunphung a dirpinak le CND sertu le rohtu a sinak te hna khi an chim tawn. Kei nih Capt. Mang Tung Nung ka upatnak cu bawi rengsang sinak hna nih a hninsai lo, dinfelnak kha a dirpi, a dik lomi le a hman lomi thil tuah cu a duh bak lo. “A Man of Integrity” ka ti. Ka uar tuk!

Arakan Party nih atei nain vuncichok le State cozah sernak nawl a khammi te hna hi Capt. Mang Tung Nung bantuk lungput nih cun a duh hrimhrim lai lo ti hi a tuanbia ah a lang. Zohchunh tlak asi.

Bia a chim dih i a ṭhut bakah duak a tho ve zau i, “𝑧𝑒𝑖𝑡𝑖𝑛𝑑𝑎ℎ 𝑛𝑎𝑛𝑔𝑚𝑎ℎ𝑝𝑖 𝑛𝑖ℎ 1947 𝑃ℎ𝑢𝑛𝑔ℎ𝑟𝑎𝑚 𝑐𝑢 𝐹𝑒𝑑𝑒𝑟𝑎𝑙 𝑝ℎ𝑢𝑛𝑔 𝑎𝑠𝑖, 𝑛𝑎 𝑡𝑖 𝑘ℎ𝑎𝑤ℎ. 1947 𝑃ℎ𝑢𝑛𝑔ℎ𝑟𝑎𝑚 𝑐𝑢 𝐹𝑒𝑑𝑒𝑟𝑎𝑙 𝑎𝑠𝑖 𝑙𝑜, 𝑈𝑛𝑖𝑡𝑎𝑟𝑦 𝑎𝑠𝑖” tiah Ex-Prime Minister U Nu cu a hmaichia ko in a tuah i a ṭhu.

𝗣𝘂 𝗟𝗶𝗮𝗻 𝗨𝗞 asi. Rangoon i Chin ramkhel mino rual tonnak pakhat ah Kawlram Vuncichok hlun U Nu cu biachim an sawm i cu lioah a cangmi asi. “Hmaichia in ato ko i cuticun inn ah a lawi ko..” tiah naiah bialam phanah a ka chimh.

Ka lungchuak thutmi cu tulio ah Chin Seminar pakhat ah Daw Aung San Suu Kyi nih mah ticun chim tuah sehlaw a dirhnawh ngammi hi kan um hnga hme maw.. ti hi asi.

Mi tampi nih phung upadi a thiamnak, Chin tuanphung a hngalh- kaunak, pawpi le cakei bang an rak tihmi 𝑏𝑜𝑐ℎ𝑜ℎ𝑐𝑖 Ne Win hmai Federal phung a rak aupi ngammi te hna khi an chim tawn. Kei nih Pu Lian Uk ka upatnak cu miphun ramkhel thinlung ah a thuk, a takmi Chin nationalist, a dirpimi le kalpimi miphun ramkhel aa fiang i a dirhmun ah a hnget – “A Man of Principle” asi.

Ramkhelrian ahcun upat hmaizah tlaknak hi biachim thiamnak, ramkhel hlawhtlinnak, capar sang kainak, caṭial thiamnak le minthan laarnak te hnaah hin asi theng lo. Hi bantuk upat hmaizahnak hi cu sau hna a nguh lo kho tawn. Capt. Mang Tung Nung le Pu Hrang Nawl hna hi catang sangpi a kaimi an si lem lo. Pu Lian Uk zong hi biachim holhrel a thiammi cu asi lem lo. Nain, upat an tlak–– ” A Man of Principle” le “A Man of Integrity” si hi ramkhel ahcun “tawh” asi ko.

Prof. Dr Maung Maung Gyi nih “𝐵𝑢𝑟𝑚𝑒𝑠𝑒 𝑃𝑜𝑙𝑖𝑡𝑖𝑐𝑎𝑙 𝑉𝑎𝑙𝑢𝑒” timi cauk ah “𝐾𝑎𝑤𝑙𝑚𝑖 𝑐𝑢 𝑟𝑒𝑛𝑔 𝑠𝑖𝑛𝑎𝑘 𝑙𝑒 𝑙𝑖𝑚ℎ𝑎𝑛𝑔 𝑚𝑖𝑡ℎ𝑚𝑎𝑖 𝑘ℎ𝑖 𝑎𝑛 𝑧𝑜ℎ 𝑡𝑢𝑘. 𝑀𝑖 𝑎𝑛 𝑡𝑎ℎ 𝑡𝑖𝑘𝑎ℎ 𝑎 𝑞𝑢𝑎𝑙𝑖𝑡𝑦 𝑡ℎ𝑖𝑎𝑚𝑓𝑖𝑚𝑛𝑎𝑘 𝑧𝑜ℎ 𝑙𝑜𝑖𝑛 𝑎 𝑑𝑖𝑟ℎ𝑚𝑢𝑛 𝑟𝑒𝑛𝑔 𝑠𝑖𝑛𝑎𝑘 𝑚𝑖𝑡ℎ𝑚𝑎𝑖 𝑖𝑛 𝑎𝑛 𝑧𝑜ℎ” tiah ati. (မြန်မာ့လူ့အဖွဲ့အစည်းမှာ ရာထူး၊ ဂုဏ်၊ အဆင့်အတန်းကို အတော်မက်ကြ တယ်။လူတစ်ဦးကိုအ ကဲဖြတ်ရာမှာ ပင်ကိုယ် အရည်အသွေးကိုမကြည့်ဘဲ ဂုဏ် အဆင့်အတန်း ကိုသာ ကြည့် ကြတယ်။ အရည်အချင်းကို ဦးစားမပေးဘဲ ရာထူး အဆင့်အတန်းကို ဦးစား ပေးကြတယ်)

Ka upatmi hna pathum bantuk hi cu Kawlmi “𝑝𝑜𝑙𝑖𝑡𝑖𝑐𝑎𝑙 𝑐𝑢𝑙𝑡𝑢𝑟𝑒” bangin mi rumra hihai lianhnak, chawva phaisa, reng sinak bawi mithmai hna nih an “principle” kha a hninh khawhmi phun asi lo. Thil dang ahcun chanbaunak zong an ngei ve men lai. Nain, cu bantuk a fekmi an “principle” zonah lungvar mansung bang man an ngeihnak le upat hmaizah an tlaknak zon cu asi.

Mirang nih “𝑠𝑢𝑐𝑐𝑒𝑠𝑠 ℎ𝑎𝑠 𝑚𝑎𝑛𝑦 𝑓𝑎𝑡ℎ𝑒𝑟𝑠, 𝑓𝑎𝑖𝑙𝑢𝑟𝑒 𝑖𝑠 𝑎𝑛 𝑜𝑟𝑝ℎ𝑎𝑛” tiah an ti. Minung hi rum le lianh lio ahcun dawtu chungkhar le sahlawh tampi ngeih nain tlak-chuk tikah mileng chawnbiatu hmanh ngeih ti lo si khi a fawite. Prof. Dr Maung Maung Gyi nih, “𝐾𝑎𝑤𝑙𝑚𝑖 𝑐𝑢 𝑚𝑖𝑡ℎ𝑚𝑎𝑖 𝑟𝑒𝑛𝑔 𝑠𝑖𝑛𝑎𝑘 𝑎 𝑛𝑔𝑒𝑖𝑚𝑖 𝑘ℎ𝑎 ℎ𝑒ℎ𝑐ℎ𝑒𝑡 𝑎𝑛 𝑘𝑜𝑚ℎ ℎ𝑛𝑎 ℎ𝑖 𝑚𝑖𝑡ℎ𝑚𝑎𝑖 𝑙𝑖𝑚ℎ𝑎𝑛𝑔 𝑟𝑒𝑛𝑔 𝑠𝑖𝑛𝑎𝑘 𝑎 𝑛𝑔𝑒𝑖 𝑡𝑖 𝑙𝑜𝑚𝑖 𝑐𝑢 𝑠𝑖𝑎𝑛𝑔𝑝𝑎ℎ𝑟𝑎𝑛𝑔 𝑐ℎ𝑢𝑛𝑔𝑘ℎ𝑎𝑟 ℎ𝑚𝑎𝑛ℎ ℎ𝑜𝑖𝑘𝑎𝑤𝑚 𝑎𝑛 𝑛𝑔𝑒𝑖 𝑡𝑖 𝑙𝑜” tiah ati. (ဂုဏ်အဆင့်အတန်းရှိသူကိုမိတ်ဖွဲ့ပြီး ဂုဏ်အဆင့်အတန်း မရှိသူကို ရှောင်ကြဉ်ကြတယ်။ဘုရင့်မိသားစုဝင်တွေထဲမှာတောင်အဆင့်အတန်းမရှိတော့ရင် အပေါင်းအသင်း မရှိတော့ဘူး။)

Ralkap cozah an lal lio chanah kan mifim le bochanmi tampi cu USDP ah an rak lut nain tucu a lut duhmi hi an um theng ti rua hna lo. Tulio ah NLD hi cu Bochoh Aung San fanu DASSK nih a kan nunpi lio asi lengah cozah an lal liopi asi i an muidawh tuk lio le an lianh saling liote asi. Hi lioah tlangmi chungin chungkhar dawtu sahlawh rualchan tampi khi a ngei ko lai–– khuaruahhar asi lo. Sihmanhsehlaw Chin ramkhel ah ka upatmi pathum hna hi cu Dr. Maung Maung Gyi chim bang 𝐵𝑢𝑟𝑚𝑒𝑠𝑒 𝑃𝑜𝑙𝑖𝑡𝑖𝑐𝑎𝑙 𝑐𝑢𝑙𝑡𝑢𝑟𝑒 phun nih a tei hna lo – U Nu lianhnak, Ne Win huham le DASSK laarnak hna nih chukcho a thui khawhmi phun an si lo. Cu ruangah an zapi tein Kawl Party ah pakhat hmanh an um hna lo – Miphun Party ah an um dih.

Hi bantuk “principle” a ngeimi hna cu duhnung ngaiin a rami 𝑎𝑘ℎ𝑢𝑛ℎ𝑧𝑖 le chawva tangka mithmai hna nih fawi tein a thleng hna lo. Thil dang “policy” ahcun ram sining hoihin thlen khawh asi ko. Nain, “principle” ahcun a fek ngaingaimi a ruang a um lo ahcun ithlen afawi ti lo. Biana ah: 𝗠𝗶𝗽𝗵𝘂𝗻 𝗣𝗮𝗿𝘁𝘆 𝗶𝗻 𝗞𝗮𝘄𝗹 𝗣𝗮𝗿𝘁𝘆 𝗮𝗵 𝗶𝘁̣𝗵𝗶𝗮𝗹 𝗰𝘂 𝘃𝗼𝗶𝗸𝗵𝗮𝘁 𝘁𝗵𝗶𝗵 𝘁𝗮 𝗶 𝗵𝘂𝗻 𝘁𝗵𝗮𝘄𝗵 𝘁̣𝗵𝗮𝗻 𝘁𝗶 𝗹𝗼 𝗮𝗵𝗰𝘂𝗻 𝗮𝗳𝗮𝘄𝗶 𝘁𝗶 𝗹𝗼. 𝗞𝗮𝘄𝗹 𝗣𝗮𝗿𝘁𝘆 𝗶𝗻 𝗠𝗶𝗽𝗵𝘂𝗻 𝗣𝗮𝗿𝘁𝘆 𝗮𝗵 𝗶𝘁̣𝗵𝗶𝗮𝗹 𝘁̣𝗵𝗮𝗻 𝘇𝗼𝗻𝗴 𝗰𝘂 𝘁̣𝗵𝗶𝗮𝗺𝘁̣𝗵𝗶𝗮𝗺. “Principle” a biapitning kha ka chim duhmi asi. Ramkhel ahcun “principle” cu “nunnak” tluk asi.

Chin mino nationalism tiva a lian! Hi lioah na pawngkam ah mi a thongthong cu 𝑎𝑘ℎ𝑢𝑛ℎ𝑧𝑖 le chawva tangka hna nih an dirhmun a thui len men hna lai. Na velchum ah mi a zaza cu khua le pengtlang chungkhar sinak hna nih an tlaihtleng a lehthal len men hna lai. Na kiangkap ah mi a singsing cu mi lianhnak laarnak le bawi sinak reng mithmai hna nih an zumhnak a hninh len men hna lai i cu ruangah holh-ngam loin an hmur aa hupmi hna zong kha an um men hna lai. Chin mino sinah hihi hun chim ka duh: a fekmi tlaihtleng dirhmun “principle” le zumhtlak dinfelnak “integrity” ngeih hi asi. Nangmah cu: cu bantuk thil menmen nih na zumhnak in hnin hlah sehlaw na dirhmun in thleng hlah seh ti hi asi. Kawlmi “𝑝𝑜𝑙𝑖𝑡𝑖𝑐𝑎𝑙 𝑣𝑎𝑙𝑢𝑒” le Chinmi “𝑝𝑜𝑙𝑖𝑡𝑖𝑐𝑎𝑙 𝑣𝑎𝑙𝑢𝑒” hi cu an idang. Kan icawn ve lai lo. Chin ramkhel ah bochantlakmi cu a fekmi “principle” an ngei: kalpimi, dirpimi an ngei bak i cu rileng cu an lonh ti lo. Cucu kan “role modle” an si hna awk asi.

Salai Van Lian Thang
19 Octotober 2020