Australia Um Chinmi Cheukhat Caah Rian Tha Tuk A Um, Inn Hlan Man Le Patrol Man Tiang

Chin News

Nitlak Lei Australia Perth khua Ah Rian Tampi Tuan Ding Um. Perth Khua um Chin miphun dihlak caah thawng tha ngai asi , mirang holh thiam lo zong ah lo rian (Fam) ah rian tuan ding tam pi a um. Australia Cozah nih theih pimi rian asi caah phung ningtein nazi pakhat ah Aus $ 24.50 pek hnu ah superannuation zong rian ngei tu nih pek piak asi lai.

Zerhkhat ah inn hlan man ah Aus $280 le patrol man ah Aus $150 bomh chap asi lai. Mah le miphun, hawi kawm he zong hmun khat te ah tuan ti khawh asi lai. Lo (Fam) lei he a pehtleih mi training kai a duh mi zong kai khawh asi. Tuan a duh mi nan um ah cun zaangfahnak tein thawng rak ka thanh than te uh.

Relchap ding mi thawngpang dang, Halkha University Le CCU Ah Cauk UkTlamtlingTein Apang Cang. Halkha University Le Chin Christian University ah cauk kan kuat khawh nak ding caah zaanghlei a rak chuah tu nan dih lak cung ah lunglawmhnak ro ca kan tial. Hawikawm tha he theih ter nak a kan tuah piak tu The Second Lady Dr Anna Sui Hluan cung ah lunglawmh nak tampi kan ngei.

Singapore in Pu Ro Thawng, Yangon in Pu Peng Hu, Pu Lian Iap, Rev Peter Ngun Za Cung, Halkha in Salai Sang Hnin Lian cung ah siseh Yangon in Halkha tiang phawrh nak ding ah a kan bawm tu Pu Thawng Kian le nan dihlak cung ah lawmhnak chim cawk lo kan ngei.

Singapore in a kan kuat mi Cauk uk 7968 cu Halkha ah tlamtling tein a phan cang. GTI Sianginn caah hman ding cauk, computer le a dang dang pawl kuat ding in timhtuahnak kan ngei na in, Covid-19 ruang ah atlamtling kho deuh rih lo. Hmai lei ah kuat than te ding in saduhthah nak nganpi kan ngei. Chin miphun hna nih hmunkhat te ah rian kan tuan ti ah cun kan miphun caah hlawknak kan hmuh hrim hrim lai. Credit: Renny Ceu L Mang

Leave a Reply