Breaking News:  Ayeyarwady Bank Ah Riantuantu Pakhat Cu Siizung Ah An Chiah Cang

Ruah lo piin kan Hakha chungin hi bantuk hi an um lai tiah rak ruah tuk a si lo, a ruang cu hi zawtnak a ngei mi hna hi Hakha, Lai tlang ah khuasa hna chung in si loin, kaa dang khua dang in a rak lutmi cung lawngah hmuh a rak si caah, an kham manh tiah kan rak ruah ko nain, a tu ah khua chung khuasa sin in siizung an tlik pi cu kan lau ko. Hi zawtnak Covid hi kaa dang in kan Laitlang lei a rak lutmi hna cheukhat cu zawtnak an hmuh hna caah Hakha lawng si loin Chin Pyine hrim hi thin phang in a um lio a si caah ralrin deuh kan herh lio pi a si.

Siizung i an tlik pi mipa hi Ayeyarwady Bank ah Security a tuah lio mi a si i, a dam pah lo a tak linh lawng si loin, zei haw hmanh a ngei kho lo i, an manager pa sin ah nawl hal in siizungah vaa check dingin a kal i, siizung lei nih tu lio zawtnak a si ko lai tiah an rak hren beh hi a si. a chungkhar hna zong a va zoh tu hna cu inn tin ter ti loin an khumh beh ve hna tiah thawng theih a si.

A ngandamnak kong he pehtlai in update thawng a hun thanh than mi cu, a thi a check i zei hmanh an hmu lo nain, an lung si deuh lo caah check than ding timh lamhnak an ngei rih tiah thawng theih a si. dam zoh hram ko seh tiah thlaza kan cam piak. tu lio hi khuacaan a hun i thlen pah si cang i khuasik thla a si cang caah, cumpit tlangrai zong a tam pah i ralring cio ko hna u sih. cu pa cu ngei dawh a si lo Covid cu, a cumpit deuh si lai tiah ruahnak zong a um.