Breaking News: Gangaw Peng Mipi Ralkap Ralhrang Nih Helicopter In An Kah Hna

Chin News

Nihin zingka 26/5/22 zingka ah Gangaw peng mipi ralkap hna cu ralhrang nih helicopter in a kah hna.Thi le hliam an um le umlo theih sirih lo,”tiah Salai William HC a Facebook cahmai ah a taar. Kan mipi ralkap hna caah thlacamnak in bawm cio hna usih.

May be an image of helicopter and outdoors

Rak rel ve hrim: Kan Dothlennak le ka Hmuhning part (III) Tihni ah Thantlang Siangin sang (CNA – CDF nih hmunhma an laknak) cu Thantlang um ralhrang nih an run fuh hna i kan miphun ralkap hna he an i phomh hnuah Inn zeimawzah an duah ţhan. Hihi Ralhrang hna nih kan ralkap le mipi thinlung ral an kan tuk asi. Minung um tilonak Inn mei in khangh le kan bawh hna ti an hngalhko nabu in an run kan nam khi a ngaingai tiahcun a bawhtu kan ralkap hna le mipi kar bochannak zorter le thinlung ral chiatter duhah an tuahmi asi.

Cucahcun hi ralhrang hna i Psywar khi kan teikhawh nak hnga le anmah lila kha ţihphannak in kan khahter khawh hna nak ding cu anmah hmanmi plan/ strategy kha hman ve ţhan kan hau. Cucahcun Thantlang khi kan lak hrimhrim a hau. *KNDO+COBRA Comando fonh nih ralhrang hna i kum 30 leng an hngahmi Tehbaw boo(သေ့ဘော ဘိုး မဆုတ်တမ်း အသေခံ ခံစစ်စခန်း) hmunkhuar cu suimilam zeimaw chung ah an lak. Cu hmun cu KNU hmunkhuar ţhing asi.

Cu hmunkhuar an laknak thawngpang nih Karen ram um ralhrang long silo in ram pumpi ummi ralhrang thinlung ah thinphannak le launak tampi a pek hna tiah zumh asi. Van ral kahnak Vanlong phunthum in voi 20 leng a kah piak hna nain ralhrang cu an zamdiam ko. Tulio Thantlang ummi zong Chin ralkap nih la kho usih law Chin ram i khuapi pakhat le a pengkulh kan lakkhawh ti asi hnga tikah Chin ram i hmunhma a la mi ralhrang pawl nih thinphannak le ţihphannak an ngei hrimhrim lai. Cutin ral nih ţihphannak an ngeihcang hnu ahcun an caah teinak cu a maw colh ko. Ni kum Lungler post lak lio ahkhan Vanral tuknak vuihnih a rak zuang nain zei pipa a tuah kholo i an sung ko.

Thantlang kan lak ahcun kan mipi thinlung ah teitu kan sinak thazang a ţhawng lai i tulio kan raldohnak i a herhmi suingun chawva a let in kan chuah lai. Thantlang kan lakkhawh ahcun tulio ramleng zam a timtu Chin mino zeimawzat thi lung ah ralţhatnak le ruahchannak a karţhan lai i hlan i nakin kan raldohnak thazang a tlung deuhlai.

Thantlang kan lakkhawh ahcun kan ram pi dothlennak ah peng huap(မြို့နယ် တခုလုံး)piin a luat hmasat mi le teitu hmasat kan silai caah NUG le kan hawi EAOs hna nih upat mi kan si lai. Thantlang kan lakkhawh ahcun thlanglei Mindat khuapi laknak lam kaupi a awn pinah CDF Mindat le CNA kar ah lungrualnak a tharin a serţhan lai. Thantlang kan lak ahcun CNA le CDFs fonh in one command tang ah um a hauh zia kan hmuhfiang lai i kan thazang a ţhawng chinchin lai.

Cucahcun tulio Chin dothlennak ah a biapi bikmi le a thlungpi asi mi cu Camp Victoria sersiam asi lo. Meithal ser le chawlehthal asi loh. Khual a tlawnmi ralhrang pawl lamhruang ah in kah le doh menmen asi loh. Kan ralpa tei le kan ralpa nor asi i cu i a lampi asimi cu Thantlang khua um ralhrang ţhio le Thantlang khua lak khi asi. Ralhrang kan tei tik ah Chin ram sersiamnak le Chin ram hruainak zongah Kawl le Indigenous dang pawl he biaruah tikah nangmaw kei tiah chim khotu sive nak ahcun kan ralpa tei le kan thazang ţhawnnak hmuhsak hi asi. Cattialtu: Peng Hlawnceu

Leave a Reply