By. Ro Lian Thang: Thantlang In Chin Party MP Aa Cuh Lio Mi Saya Rung Kaw Sin Cakuat

Chin News

Thantlang in Chin Party MP aa cuh lio mi Saya Rung Kaw sin cakuat: Pu Rungkaw hi Thantlang Chin Party CNLD in Pyine Hluttaw No 2 ah aa cuh ding a si. Tutan ah Zophei lei le Mara lei khual a tlawnnak ah Mara lamsul kong ah Video clip tawi te he “Mara nih Vice President Van Thio sin ah ca an kuat mi ca” tiah ca a tial. Mara nih Vice President ca an kaut mi tiah Saya Rung kaw nih a tial mi cu a tnaglei bantuk in a si.

Salai Martin Van Bawi Lian hi Thantlang Peng Nih Cun Mee Pe Viar Hna Usih -

VP Pu Henry Sin ah Mara nih an ka kuat mi Caa: Tutan Mara Tlang na rat lai cu kan I hngak hlang ngai ngai. Hmuhsun tonhar. Kum 5 dan ah voi khat te kan in ton asi hnga. Salai Pathli nih an cah mi Saikel lukhuh cu philh hrim lo ding. Lau zawt nak le na thi akai lo nak hnga. ကာကြယ္ ေဆး na rak I chunh cia ah a tha lai. Silo le Sibawi Thiam sang hna, Tamaadaw le Nurse nu ngak hna naa kenh cia hna ah a tha lai. Kan in vote hna ruang ah nan kan dawt nak Lam le sul te hi rak zoh Chung te ko. Tang film ah aum ko hi.

Na Tlang bawi hna, na mitthi Lalang hna, Na Tumkheng hna, Na thiangthunh hna nih an kan tuahto Dan hi film ah hin rak zoh Chung ko zangfah nak tein.
Kan nih Mara nih Nang le Sym Ni Sui Lian cu kan in theih bal hna lo 2015 lio ah cun.
Kan phun hawi Bohmu Bawi Tial ruang ah mee kan in pe hna. Nain kan nih Mara Tlang cu Mee an pe lo mi hna ko kan hluan cang. Mara Tlang nih lungsau thinfual in kan in orh ko hna. Ropui cungnung Van tawi thang SPH le Mara Tlang daw tu nan si hna caah.

Saya Rung kaw sin ah biahalnak tuah ka duh mi cu: 1. Mara miphun hna nih hi tin maw Vice President sin ah ca cu an tial i an kuat? cakuat tial ning a si maw? 2. Atutan Mara cakuat na van phurh mi hi Mara maw an si Mara chung in pumpak minung biachim dah na van phurh?

3. NLD a rak tanhtuk mi le na doh tuk mi, atu ahcun Independent in aa cuh mi Salai Lungthli tum catial mi cherhchan in “Mara lam na tlawn ahcun Cycle lukhuh, kaukuai sii le Sibawi na kal pi hna a hau” tiah a tial mi kha na cherhchan i Salai Lungthli tum nih zei bantuk tinh mi he dah ca atial na fiang maw? 4. Atu hi Mara nih Vice President ca an kaut mi tiah an tial mi khi cakuat si loin an lung um biachim mi a si na hngal maw?

5. Mara lam hi MP Pu Bawi Khing le MP Ni Sui Lian nih an chimrel piak tuk ve ko hna, lam zong video na post mi bantuk kha a si tung lo, motor-Motor Cycle lam a pem ko, mah belte cu lam a bit deuh le fur caan ah lam a rawh cu a phung si ko, atu na video post mi khi lamphok hlah maw na zulh i NLD le Vice president soisel nak ah na hman? 6. MP Pu Bawi Khing hmanh nih vui thum tiang Mara caah achim piak hna, lam sining a hngalh dih. a ra lai mi caan zong ah tam taktak lam ca budget an thlak piak rih cang hna.

7. Vice President soisel in maw vote hi na kawl ka fiang lo. 8. Vice President le Mara lam cotu company zei hmanh aa pehtlai lo, Ramkulh Cozah santlaih lo cu a si kho. Ramkulh Cozah nih an zohfel i thil sining an chimh ahcun a tawlrel piak hrim ko hna lai.

9. MP hmanh vatling sual law Mara duh ning cun na tuah piak kho hrimhrim hna lai lo, company nih an hlen ve ko lai. 10. Tutan Mara na kalnak lam video na post mi kha lamphok in na kal mi a si maw? furpi a si i lam cu a rawk ve ko lai, lam zong a bua ko lai i lam achia ko lai, cucu furpi khuati nih a chuah pimi a si hi na hngal thiam maw?

11. Tutan Mara cakuat na ti mi khi nangmah biazai tial mi hna a si sual maw? khua pakhat cakuat cu a lo ruam lo. na va tuksawh hna caah a cang mi thil a si kho. na hnu in kan dawi ko hih. Pu Rungkaw hi NLD tanh taktak mi Journalist Pu Rolian Thang he fak tuk in kan rak i do, a caan ah holh dawh lo, kawl uite, kawl sal, miphun zuar tu ti tiang in a rak ka ti hnu ah ka biography hna a lih lawng tein a tial, ahnu ah a celh lo i aa ka block mi a si. atu ahcun MP aa cuh ve cang.

Federal kong zong a au bik le NLD doh bik a si nain Federal kong chimnak thutden sok lo in a thur hnawm mi Chief Minister thutden tu a sok ve than. bia hal awk tamtuk ka ngei. aa ka block cang caah hi vial in ka van thlah. Credit: Ro Lian Thang

Leave a Reply