By. Sang Hre: CNLD Party Le Candidates Nih Theih Tha A Si Ko Rua

Chin News

CNLD Party le Candidates nih theih tha a si ko rua: Tuzing ah Hakha Net nih Pu Sui Thio interview an tuah mi ka hmuh. Fel fai tein ka ngeih. A chim mi pawl khi kan Chin ram dirhmun le sining te fiang tein a langhter mi a si ko tiin ka ruah. Zei rel loin um bak lo ding a si tiin ka hmu. Nai hrawng cu CNLD pawl online ah kan langh tuk deuh le ruah awk thil a tam ngai. Online cun vote a thla kho lo ding- ramleng um pawl kan buai lut caah nan base nan tlorh sual lai ti phan a um tuk. Mah ti hin strategy kan thlen ah mipi nan tunmer khawh deuh hna lai tiah ka ruah. Hmailei kar fak deuh hlan nak ding ahcun hnulei sining le thilcang mi kha zoh ta a herh tawn theo caah

2020 Thimnak Ah CNLD Party Nih Minung Thim An I Palh – Lai ...

Hnulei zohthannak: 1. 2015 ah Chin party sunghnak tuak tikah 2010 lio MP a chuak mi pawl riantuan a that lo ning ruangah tam pi a tal. MP si cuahmah lio mi nih Lam contract hna ai lak i pengtlang hna he ai sik ko tik ahcun mah pa umnak party cu vote pek phung a si ti lo. Cucaah Thantlang peng nih cun 2015 ah NLD an vote nak a si bik.

2. A kan tanhtu- dirhkamh tu hmurka ruangah vote tei khawh a si i sungh khawh a si. 2015 lio ah Chin party tanhtu le bomtu hmurka kha a chia hringhren. Chin party a vote lo mi paoh uico bantuk miphun daw lo – mihrut bantuk hna in online ah kan auh lulh mi pawl sentiment kha nan Chin party nih daihter thiam ngai a hau cang. Tanh hlei tuk kan ngei nak nih mi dang lung a let ter theo hna.

3. Hi tluk in cathiam lo le ca rel kho lo miphun lak ah political ideology pawl hi campaign ah hman tuk ding a si lo. Sifak santlai lo hna caah political ideology an herh lo. Democracy suallam hmanh a fiang lo mi hmai ah Federal biafang tam tuk nan chim ahcun mah tein lam i phih bak a si. An khua ram te kha a si khawh tawk tein tun mer kho tu ding, an fahnak a tuar pi kho tu le an bia a ngai kho tu kha kawl cio a si. Tanghra a kai kho lo pa kha ziah na kai lo tiin sik ding a si lo. A kai khawh lonak a ruang tu kawl a hau deuh. Mah ti hin nan campaign strategy thleng kho uh law a tha deuh hnga maw tiah ruah mi pawl;

1. Ni hin tiang candidates pawl biachim mi zok tikah nan i zuamnak ding (constituency) hmurka nan talh kho rih lo. Nan chim mi hnik khat pawl khi principle cun a tha tuk. Asinain, vote thla tu hna nih herh mi le ruah mi ning in respond a tuah kho mi hmurka a herh deuh. Khuate lei ah kal in hmei nu/pa hna le upa lungfim deuh nih an khuaram hmuh ning le an ruah ning kong hna chim rel kho uh.

2. NLD le Suu Gyi ai hruh pi cang mi hna sin ah NLD le Suu Gyi nan soisel deuh deuh hna ahcun nan vote a zawr deuh deuh ve lai. Counter-attack cu i ruah cia hrim a hau. Cuca’h, 2015 -2020 chungah Hluttaw le Amyotta in Suu Gyi he riantuanttinak caan tha kan ngeih lo caah tutan na kan thim ahcun hmai ton in kan Chin miphun nih kan herh mi kong kan chim rel khawh lai. Ram pumpi Cozah a ser kho mi paoh he ralkap nih hrawh cikcek cang mi ram remh tti ding in riantuan tti khawh kan i zuam lai. Kan khuasak tuntuk ning tha deuh in mer khawh kan i zuam lai tbk in aw-aan nan thlen ah mipi sin in vote lak khawh deuh ding in lam a kal cang ko rua.

3. Tu lio Chin ram lutlai cu an thutnak hmun ah an va fuh ko hna lai. Asinain, nan nih cu nan mah tu nih va fuh le bia va ruah nan hau lai. 4. Chinram sernak ding ahcun Central Cozah nih budget pek mi in tuah mi a si. NLD Cozah cu tangka tawlrel tu sawh sawh an si. Thein Sein Cozah chan lio nak in NLD Cozah chan ah eihmuarnak a tam deuh mi hi tutan na kan thim ahcun fak piin kan thianh hlim lai.

A. Kan party member hna nih MP an tuan buin business an tuah chih sual ahcun an rian in dinhter an si lai. B. Chin ram ah Cozah rian sok tikah eirhmuarnak um loin rian sok mi chung in a thiam bik kha thim an si lai tbk. C. Budget kan ser tikah Kawlrawn Division (တိုင်း ဒေသာ) tluk in Busget ser khawh kan in zuam lai. Mah hi practical zong a si i mipi chimrel a herh bak mi political point a si tiin ka ruah.

Note: 1. Online cun ngol pah cang ko uh. Khua te lei tu ah holh he ca he kal hnawh deuh cang hna uh. 2. 2015 in sunghzatlaknak kha big lesson ah i lak in daithlang loin mipi aw-aan thei mi le mipi aw-aan hoih ning in a tungmer kho mi candidates si hram uh. NLD vote pek a kal cuahmah mi hmanh a chuit kho mi nan si a hau. Atu ning in sau nan kal sual lai ti ka phan ngai. Cattialtu: By. Sang Hre

Leave a Reply