Chin ram NLD nih 2020 thimnak ah kan sung cang lai tiah an I hngalhnak Thil phunthum (3).

Ramkhel ahcun candidates a simi poah nih vote hmuhnak dingah a lam kipin an I zuam cio mi a si bantuk kan Chin ram zongah cu zuamnak cu Party kip nih a si khawh chungin an I zuam I an chimrel cio lio a si caah, Mipi kan ralrin ngai a hau i zeibantuk thil in dah an I zuam I zei bantuk bia holh in dah mipi thinlung lak khawh an I zuam timi cu kan hmuh I kan theih cuahmah lio pi a si caah, an I zuamnak hriamnam dah an hman timi nih Party dirhmun tampi a langhter I, a tu zongah NLD Party zong cu bantuk an hmanmi vote kawlnak nih mipi thinlung ah an I zum ti lo, mipi an fim cang caah tukum cu kan sung cang lai tiah a langter tu thil phunthum ka hun langhter lai.

1. 2015 an kai kaa in sok cangmi thil cu election lai ah tuahpiak in an i la, Khua le ram Thanchonak in mi a kan lem: Tahchunnak ah , Cucu kan in tuah piak hna lai, nan khua lam kan in chunh piak hna lai, mei/ ti kan in lakpiak hna lai, sianginn kan in pek hna lai tbk, Laimi cu sifak ram a si caah mitampi nih zuan hnawh an si rih, nain mi tam u nih an I fian cuahmah ve cang. ramkulh budget cu mee/vote hmuh duhah an pek cang hna, a cheu company le bang cu Tender an call hlan ah an tuanter cang hna, an thin a phang cang.

2. Tuchan cu social media in vawlei cung thawngpang theih dih khawh a si cang bantuk in fimnak zong tampi cawn khawh a si cang caah, mipi lung a fim deuh ngai cang I kan khua tuak zong a kau deuh cang, A ho poah nih kan ram kong hi theih le rel ve cio khawh a si caah NLD party nih thanchonak men in mi a kan hleng kho ti lo, phunghram kongah siseh, Tlangcung mi kongah siseh, zei dang kong zongah zei ngaingai a tuah I a thleng kho lai lo ticu theih cio dih a si cang caah mah le miphun te I ttan cio in hmailei ah mah tein I uk khawhnak lam ah naih deuh khawh a si cang ti cu I fian cio a si cang caah an thin a phang cang.

3. Policy kongah cunglei in sermi lawnglawng a si caah chim awk an ngei lo, a ruang cu policy sernak ah aa telmi an um lo lengah tlangcung nih an khelmi policy zong an ngeih lo caah chim awk an ngei lo I, a tla cang mi budget kong dah ti lo, zei dang kong ah an nawlngeihnak pakhat hmanh a um lo, Tlangcung mi nih an khelmi policy, miphun covo cu an va duh ve sual hmanh ah chimnak nawl an ngei lo. Cucaah an thin a phang cang. By Salai Chin Thang