Chin Ramkulh Chungah Tanghra Awng Marks Sang Bik Cu Tedim Pengkomh Nih An Hmuh

Chin News

Chin Ramkulh Chungah Tanghra Awng Marks Sang Bik Cu Tedim Pengkomh Nih An Hmuh

===========================

Chin ramkulh chungah Tedim pengkomh chungin tanghra a awn mi mark sang bik an si, tiah thawngpang theih a si. Kawlram pumpi chungah tanghra a awn mi mark sang bik cu Yangon ramthen a si tiah theih a si. Chin ramkulh chungah tanghra camipuai a phimi hi minung 12370, a awng mi minung 2623 an si. Pakhatnak mark sang bik cu Tedim a si, Pahnihnak mark sang bik hi Hakha pengkomh le Mindat pengkomh nih an zulh tiah theih a si. Tedim pengkomh chungin minung pa (5) an si i, Hakha pengkomh chungin minung pa (4) an si, cun Mindat pengkomh chungin minung pa (1) hna hi min lar an si hna.

Kawlram chungah mark sang bik a hmumi cu Yangon Dagon myo a ummi Ma Thet Khine a si, 6D marks 552 a hmuh i , pahnihnak zong Yangon in Marks 550 le pathumnak zong Yangon thiamthaim in Marks 549 an hmuh hna. Kawlram pumpi ah Chin state cu tanghra a awng mi tlawmbik kan si rih. Kawlram huap in tanghra a awng mi an tam biknak cu Mandalay ramthen a si. Shan ramkulh chaklei thanglei  in tanghra a awng mi an tlawm bik tiah theih a si. Pakhatnak ah Mandalay ramthen hi tanghra a awng mi an tam biknak a si i, pahnihnak cu Sagaing ramthen a si.

Chin Ramkulh chungin Distinction a ngahmi hna hi 5D in minung 2, 4D in minung 6, 3D in minung 19, 2D in minung 89, 1D in 403 an si tiah kan theih. Cun, Hakha Pengkomh chungin tanghra a phimi hi an dihlak ah minung 2549 an si, tanghra a awng mi minung 498 an si, Falam Pengkomh in minung 3768 an phi i minung 958 an awng ve, Mindat Pengkomh in a phi mi minung 6053 an si i, a awng mi minung 1167 an si hna. Chin ramulh chungin 5D a ngahmi hi Tedim Pengkomh in minung 2, 4D a ngahmi hi Hakha Pengkomh in minung 3 le Tedim Pengkomh in minung 2, Kanpetlet pengkomh in minung 1 an si hna, tiah theih a si.

Chin Ramkulh chung huap in Tedim pengkomh hi marks sang bik an si nain, Mindat Pengkomh in 30.49% an hmuh i, tanghra a phimi dihlak hi minung 1535 an si i,  a awng mi hi minung 468 an si caah tanghra a awng mi an tam bik ah an cang. Paletwa Pengkomh in tanghra a phimi hi minung 2214 an si i, a awngmi hi zatuak in 10.12 lawng a si ca ah Chin Ramkulh chung ah tanghra a tlawm bik a awng mi an si. Chin Ramkulh chung ah tanghra camipuai a phi mi hi minung 12370, a awng mi hi minung 2623 an si.

Leave a Reply