Chin Women International Mission CWIM nih ngakchia minnung 14 sianginn kaiter ding in an cohlan cang hna. Chin Women International Mission (CWIM) nih Hakha khualipi ah sianginn kaiter ding in ngakchia 14 an kawh cang hna tiah CWIM Facebook page ah an ttial. Hakha ah ngakchia sianginn kaiter ding mi minung 14 hna cu nu le pa hna nih CWIM hna he lungtlinnak an ngeih hnu ah atu bantuk in zohkhenh ding in an cohlan hna hnu ah an lak cang hna tiah kan theih.

2020 cacawn kum ah ngakchia sianginn kaiter ding mi hna cu, Paletwa in minung 12, Lautu I minug 1 , le Kanpalet in minung 1 an si. an dih lak minung 14 an si. CWIM cu, ngakttah, bawmhnak pek le harsatnak ruang ah sianginn a kai kho lo mi ngakchia sianginn kaiter le biaknak he pehtlai in phungki sianginn ah a ummi hna chuahter in bawmhnak pek tibantuk I hmaithlak in rian a ttuan mi an si.

CWIM cu Ramleng ummi Laimi le Miphun dang Khrihfa hna he I bawmh in dirhmi Phu a si. Chinram ah a hlei in Rian an ttuan tiah theih an si. Hakha phungki siang inn ah ah Chin ngakchia zong an lak hna tiah theih an si.

Relhih>>>>>>Turkey ram Khrihfa biakinn cu an President Erdogan nih Muslim biakinn ah a ser: Turkey ram a um mi Khrihfa biakinn cu kum 1500 a hlun cang mi Khrihfa biakinn a si mi Hagia Sophia cu an President Erdogan nih July 26 ah Muslim biakinn (Mosque) Bak ah a serpiak hna. Hi Khrihfa biakinn minthng a si mi cu Roman Emperor Justinian nih A.D. 537 ah rak sak mi Khirhfa biakinn a si i Turkey ah a um mi minthang taktak a si.

Tukey ram ah a um mi minthang Khrihfa biakinn cu an president nih amah caah hlawknak um ding in a ram mi Muslim pawl lungtonnak ah Mosque ti mi Muslim biakinn ah a thlenpiak hna hi a si tiah theih a si. Hagia Sophia Khrihfa biakinn cu Kum 900 chung Khirhfa biakinn minthang bik a rak si.

Vawleicung ah minthang Biakinn lawng siloin Khrihfa nih ngeih mi Biakinn ah a dawh mi le Biaknak dang hna le mi nih theih mi Biakinn tha pakhat a si. Turkey president Erdogan nih rfamkhel a tuahnak ah atu bantuk in biaknak hi biapi ah Khrifa biakinn a hman mi a si tiah an ram media le nitlak lei nih an mawhchiat tiah BBC nih aa ttial.