Chinram Ah Airport Nak In Kan Herh Deuh Mi

Chin News

Chinram myone kip ah kip ah Airport pakhat cio tuah khawh cu a tha tuk hen ta. Chinram ah Airport a tlawm bik 9 kan ngei lai va si kaw mah Airport 9 ah a zuang dingmi Vanlawng hi Kawlram dirhmun in hei tuak ko hmanh uhlaw phiangkum ah voikhat te hi a zuang tr lai. Cu hmanhah Bawi pawl khual tlawnnak si lai i Zarhpi ni ah pumh loìn don hau phun in an rak tlung hoi lai. Chinram ah Airport 9 an ngeih tiin vanlawng belte a man a fak caah aa cit kho an um tuk lo i khualtlawn an tlawm ti si lai. Kan min cu a ngan deuh ving lai nain an kan nihsawhnak tu ah a cang kho.

Rubix Navigation | Myanmar: Surbung airport to open in September 2020

Cucaah tulio dirhmun im Myone kip ah Airport tuah cu “Kum 5 a si rih mi kan fa kha kum 30 a si tikah aa hruk awk vaa i cawkpiak cia” he aa lo. Ngeih cu a tha nain Airport 9 le a santlai le thatnak kha tuak chih a hau. Mah Airport tuah khawhnak le fimthiamnak le Vanlawng khal thiam le Engineer an chuah khawh nakhnga tu ah fimthiamnak hrampi kan remh a hau.

A dikmi Federal Democracy in kan kal ahcun mah holh tein cacawnnak le mahte khuakhan lairelnak kan hmuh lai i fimthiamnak kha biarak in reform kan tuah ahcun Airport 9 nakin man a ngei deuhmi kan i chuah kho. Airport ngeih a tha i kan duh ko nain Chin Mipi nih kan herh bik a phi chuah le kn chambaunak kha kan remh hmasat ahcun Airport ah Pilot he Aircraft Engineer he Chinram ah kan hung chuah caan a phan te ko lai. Credit: Salai Pathawng

Leave a Reply