CNF USA Regional Committee Conference cu a ra lai mi 10/24/2020-10/25/2020 ah Indianapolis khua ah tuah a si lai. Cun Conference ah CNF Chairman Pu Zing Cung le an nu Pi Hlim Na zong a rak raa kho ve lai. Hi Conference ah a ra lai mi kum (2) chung CNF USA Regional Committee hruaitu ding pawlzong thimnak (Election) tuah a si lai. A tu lio zawtnak tlangrai lio pi a si nain, kan chin miphun vawlei can dawngh tiang tthawngngai in kan dir khawh nak caah a bia pi bik mi CNF a tthawn chinchin nak kong ceih a biapi tuk caah hi conference hi tuah hrim hrim a herhnak a si. COVID-19 kong ah COzah nih an kan cah ning le Doctor nih an kan cah ningte in zulh kan ni zuam lai.

Kan ceih ding a bia pi bik mi cu Chinram a dam lo. Mah caah cun Chinmiphun ka si aa ti mi, vawilei cung ramttha cho cia (Third Country) rianttuan mi vial te nih kumkhat ah CNF phaisa bawmhnak Chinland Club ah $200 cio thawhter ding le Chin Khrihfa bu kip nih UCCF ah an Church Budget in 0ne percent cio mission rian an ttuan khawh dih nak caah chimh/sawm nak kong a si lai. CNF a hnu lei in fek tak tak in a dir kamh tu Chinland Club (CC) vialte hi conference ah nan rak kan rat pi khawhnak kan nin sawm hna. Credit: Pu Daniel Sakhong