CNLD phu hi zeidah an cang hoi? Falam peng ah a lar ngaimi MP hlun Pu Con Kheng zong CNLD in ai phuak ve. Anih hi CEC chungtel zong a si. Ai phuak nak ruang theih a si lo. Pu LMC hruaimi Chin party CNP thawn lei a panh thluahmah lio ah Pu Nothankap hruaimi CNLD belte cu tumchuk lei a panh cang ko rua. Thantlang peng Chin party EC 55 chung ah 52 nih Pu LMC an panh i 3 lawng nih Pu Nothankap party an panh ti a si.

Atu ning in cun Thantlang peng ah Pu LMC phu cak ngai te dawh an si. Thantlang peng cu CNF a tanhmi kan tamnak a si caah Pu LMC phu nih strategy tha an hman thiam i Pu Nothankap kong CNF cathanh(2007) kha khuate kip an phawt hna ahcun Pu No tapeh pawl an cawl khawhnak ding lam a um bak lai lo.

Relchih>>>>>> US he ai rem lo taktak mi Russia President Putin A Rammi nih Kan duh lo tiah minung 60000 leng nih duh lonak an langhter. Russia ram President a simi Putin cu a rammi mipi nih kan duh lo tiah an langhter hnawh cang. President Putin le Mipi cu atubantuk in langsar in duhlonak an langhter Bal lo. Asinain atu cu, caan saupi chung ah a voikhatnak bik Russia khualipi a si mi Moscow leng ah rammi nih an Russia president Putin kan duh lo tiah an langhter mi a si.

Atu bantuk in duh lonak an langhternak Hmu cu Russia ram Nichuak lei hmun ah a si. Putin duh lonak an langhternak hmun ah mah bantuk in minung Tam nih Cozah a siloah President le Organization tibantuk duh lonak an langhter nak ah mah bantuk in minung Tam nih an langhter Bal lo. Atu Khabarovsk I duh lonak an langhter mi cu minung tam bik duh lonak langhternak a si tiah an chim.

Russia mipi nih duh lonak an langhter mi ah “Putin chuak ti le “Furgal ca ah zalonnak” tiah an au. Atu bantuk an au hnawhnak a ruang cu, Putin cozah nih Governor Sergei Furgal hi ramrian kong ah aa thlaak tuk tiah an tlaih ruang ah a si tiah an ti.Governor pa hi Putin cozah a dotu (opposition) Party the Liberal Democratic Party of Russia chungtel le aiawhtu a si.

2004 le 2005 ah mi thah ding in awdar na rak pek hna tiah cozah nih an tlaihmi a si nain tulio Russia i a linsa tukmi Putin nih amah tein thih hlan president ttuan khawhnak Phunghram aa sermi kong a sawisel tuk i mipi nih an uar caah mah ti an tuahmi a si tiah mi tampi nih an ruah.