CNLD Party CEC Le Thantlang Peng EC Nih Minung An Phuahnak A Ruang An Langhter Cang

Chin News

CNLD Party CEC Le Thantlang Peng EC Nih Minung An Phuahnak A Ruang An Langhter Cang: CNLD CEC nih Thantlang Peng CNLD Party Chairman Pu Lal Maung Cung le Secretary Pu Tum Sang cu Party tuanvo ngeitu sinak le Party chungtel sinak in an chuahnak cathanh July thla 11 ah an chuah. Hi an chuahnak a ruang cu pumpak miaknak in rian an ttuan pin ah mah ca tiang in Party EC sawmnak tibantuk an tuah mi a si tiah an ti.

Hi kong he pehtlia in Thantlang peng CNLD Party nih July 13 ah cathanh an chuah ve. Cu chung ah Salai Ceu Bik Thawng cu Menber sinak in kan chuah pin ah Thantlang peng CNLD a hmun chung paoh CNLD Candidate ca ah luhnak nawl pek ti lo ding le CNLD Bahu CEC General Secretary sinak in kan chuah piak uh tiah July 13 ah Thantlang peng CNLD Party EC nih cathanh an chuah.

CNLD party nih cathah an tuahnak a ruang cu, “2020 thimnak ding ah CNLD in Thantlang Peng Pyine Hluttaw No 1 Candidate i cuh ding in nawlnak ca a rak ttial mi ruangah Thantlang Peng CNLD Party EC nih an rak fehter mi zei a rel lo ruang ah le CNLD Bahu nih Ceu Bik Thawng an dirpinak in Thantlang Peng Pyine Hluttaw No 1 ah i cuh ding in nawl an pek mi ruang ah pumpak ttanhnak a si pin ah Thantlang Peng CNLD EC zeirel lo a si caah atu bantuk in Cathanh kan tuah mi a si tiah Pu Lal Maung Cung nih a Facebook ah July thla 13 ah a tar.

Leave a Reply