CNLD Tlaihtleng (10)

Chin News

CNLD Tlaihtleng (10) 01. Chin Miphun dihlak Lungrualnak le i funtomnak cu hmaisuang bik ah kan chiah lai. 02. Chin Miphun kan Nunphung, kan Caholh, phung le lam, Miphun sinak le kan Miphun hmelchunh, Pupa kutchuak puai le laam, Kan thilthuam le kan sunhlawihmi Ni Sunglawi hna an hmunh khawhnak ding ah kan kilven lai.

Image may contain: 5 people, text that says "MIPHUN COVO DINGAH CNLD a m LAK THAN HAKHA TOWNSHIP w TO Dr. RAM CEU HNIN Amyotha #1 PU ROBINZATHANG THANG Amyotha # 2 PU NGU N MAW NG Pyithu Hluttaw Salai VANCHANCEU AN CEU Pyine Hluttaw RECLAIM YOUR RIGHTS PU SIANG MANG Pyine Hluttaw 2"

03. Kan Pupa hna chan in kan ngeih mi Pupa ram, hmun le vawlei ngeihnak nawl le tinconak nawl kong he pehtlai in Phung le phai kan tharchuah lai i, upadi in kan kilven lai.

04. Cozah zungkip le Cozah a si lo mi pumpak riantuannak (Private Sector) ah Chin Mino vialte Rian an hmuh khawh nakhnga kan i zuam lai. 05. Chin Miphun Nu hna nih an ngeih mi an covo cu Phungthar ser in kan thawnter lai.

06. A thianghlim mi Chin Cozah si khawh nakding ah tanhhleinak, kaptanh, thleidannak le Eihmuarnak kan doh lai i kan zohfel lai.

07. Chin ramkulh chung i pehtlaihnak lam le sul, Chawlehnak le mipi ca ah rian kan tuan tikah siseh, Khuapi/ Khuate innlo ser tikah siseh, pawngkam rawkralnak le hnorsuannak a tlawmbik dingin kan i zuam lai.

08. Chin Miphun Dawtnak thinlung thanghphawhnak ca ah Miphun Hla, Miphun Thantaar cu Chin mipi duhnak lak in serchuah ding in kan i zuam lai.

09. Chin ramkulh leng ah a ummi Chin miphun hna nih Phungphai chung in a um mi covo le Ram mi snak covo tlamtling tein an ngeih khawh nakding le khuasak tintuk, chawlehnak le rian duhdim tein an hmuh khawh nakding ah tuanvo ngeitu hna he kan tuanti lai.

10. Tlukruannak, Mahte khuakhan lairelnak, Federal Democracy Ramkomh kan serkhawh nakding ah tlangcung mi dang hna he tuanti kan i zuam lai. (Avoi 1nk CNLD chuah mi Chin Miphun Authawng chung in – 2020 August 8) Ref: Chin National League for Democracy – Hakha-Thantlang

Leave a Reply