Congratulations; Dr. Tial Len Par Cu Lawmhpi Cio Hna Usih

Dr. Tial Len Par Mihnge, Pu Than Piang le Sayama Tial Dong te i an fanu, cu Korea Development Institute School of Public Policy and Management in Ph.D in Public Policy tluang tein a dih hnu ah Falam Christian Fellowship Korea  nih  kan in lawmhpi tuk hringhran. Dr. Mihgne hi International University of Japan ah Master in Economics sianginn a dih hnuah Korea ah Ph.D a peh than i sianginn a dihmi a si. A Thesis a tialmi Ph.D dissertation konglam  cu “Human Capital Development and Household Welfare in Myanmar” a si. Kum thum chungah Ph.D (2017 fall semester–2020 Spring Semester) a dih khomi a si, nu menmen lo a si ti fiang tein hmuh khawh le theih a si.

Dr. Mihnge hi Planing Department, Ministry of Planning, Finance and Industry, Naypyidaw ah Staff Officer rian a rak tuan cang mi si. Falam Christian Fellowship Korea ah kan adviser rian a kan tuanpiaktu zong a si. Chinnu mifim, mithiam, cawnnak sang, mifel, rinhchantlak le Pathian  a tihzahtu kan ngei hi kan lung a awi zet. Miphun, khua le ram cawisantu dingah Bawipa tu nih hmang chinchin hram seh,  tiah thlaza kan campiak! Hi bantukin Chinmi nih cathiam sang nu kan ngeimi hna hi a sunglawi tuk hringhran. Hmailei zongah Chinmi chungin cathiam sang nu tampi an chuah chinchin nakhnga pakhat le pakhat thazang i pe cio usihlaw, thlacam bawmh cio hna usih. Dr. Tial Len Par zong Chin miphun dihlak nih lawmhpi cio hna usih, tiah thawngpang tha kan in thanh hna.