Dr. Sasa A Mualpho Hawi Cang, Mipi Sinah Thawng Fianternak Tuah A Si Cang.

Chin News

Dr. Sasa A Mualpho Hawi Cang, Mipi Sinah Thawng Fianternak Tuah A Si Cang.

2007-08 mauṭam kong he pehtlai in DATA vialte a tlai tu ka si i Dr.Sa Sa nak in CNF, CNLD, MPP le ZNC fonh mi CNC nih an thawk i vawlei pi theih in CNC nih rian a ṭuan hnu ah CHRO nih Fundraising a tuah i bomhnak pek a rak si. PAC, CHRC, le WLC cun Pu Vapual Thawng te dirh mi group pa 4 nih rak tuah a si. Mah ahcun Dr. Sa Sa aa tel rih lo. Cu caah zei thei tak tak lo in a bultan nan theih mi nih kan miphun nan buai ter tuk. Dr. Sa Sa cu kan miphun caah a ṭuan bak. A mah he zong 2010 lio ah kan i chawn bal. A pu hi Unity a si i CNA rian ṭuan bal mi a si.

MPP hi mauṭam kong he pehtlai in DATA an rak ap hmasa tu a si. Cu hlan ah CNF nih DATA cu an rak lak ve cang. 2007 September Thailand in ka tlun hnu ah a herh mi form ka tuah hnu in Ralkap camp le Mauṭam area map ka tuah dih hnu in vawleipi kil deng theih ah kan tuah. Cu hnu cun bia tak tein kan ram si ning an theih i bomhnak kan hmuh mi si. Mah rian he pehtlai in CHRO lei nih ṭuanvo an pek i rian a ṭuan mi kan nau pa ti ah a rak paam. Cu caah thil sining theih fiang tak tak hnu lawng ah ca kan ṭial ah hin kan miphun a him lai.

U Hung CHRO a chuahnak le aa thawhnak ka rak ṭial hlan ahcun 1998 Chin Forum nih dirh mi a si tiah an rak ti cuh. CNF zong cu Pu No Than Kap le 1988 siangakchia nih dirh mi ah an ti fawn cuh. A tu mauṭam kong zong ah a si hoi. Cu caah thil hi a dik ning kan ṭial lo ahcun tuanbia hi a par in an lawh i a cing tu le a tuh tu an pheo tawn cu caah a ṭuan tu a thei tu ka si bantuk in fianhnak ka tuah mi a si.  Credit: Henry Henry

Leave a Reply