Dr. Sasa Catial Mi Lehnak An Tuah Cang.

Chin News

Dr. Sa Sa Catial Mi Lehnak
~~~~~~~~~~~~~~~~~

Rel dihnak kha rak i zuam hram, Dr. Sa Sa nih CNLD sinah ca in a timi hna ka hmuh i kaa lawm ngai. Chinram kulh chungin a chuak kho dingmi thil vialte a kan hmuh sak caah a catial mi cu ka cohlang.

Keimah hi kum 76 chung ah ka um cang. Ka fapa bantukin ka rauh caah a catial mi chung in ka ngai a ka chiattertu ka hmuhter duh ve. Zeidah a si ti ahcun Pathian bia ah “nan nih cu thim mi miphun, siangpahrang tlangbawi, a hleikhun in amah ah thimmi miphun nan si” a ti mi kha Chinram chung ah miphun (53) lakah Matu le Mara hna hi Pathian bia a fiang hmasa bikmi an si. Matu mi nih Pathian an thangthat i “awm ngai aw3” tiah an sak, Mara nih an thangthat i “zul tuah zul tuah” timi hla anmah hla tein an sak i an lam. Lo in inn ah an lan ah khan inn panh ta hmasa loin Biakinn ah an kal hmasa i Pathian sinah lawmhnak bia an chim, cucu zanlei fatin in an tuah mi a si. Cu nih cun Pathian a lawmhter i Pathian nih thluachuah relcawklo a pek hna. Facang ci pheukhat ah tang (40) hoi hna an zun. Cun Satil ah Tilim kikawng hna thatha a pek hna i tupi fungtum a hlum zohcim lo an tam ngai.

An ram ah ramsa thatha Pathian nih a pek hna. An kah tikah zuar loin tlang an zamh hna. Khualtlung pawl zong ram sa tlangtlang an kan dangh i khualtlung an kan lawmhter ngai, kan thangthat ngaingai hna.

Cu miphun chungin Dr. Sa Sa nih teinak hmuh duh ah lihphung le hlen phung a pom sual i Eden dum chung i Rul nih Eve a hlen bangin hlen a si ai. A Pathian min le a Chin miphun min cu amah tu nih a zuar diam ai. Amah tu nih micaw satlaih in atu i aa tlaih mi party a tlaih sual cang.

NLD nih cozah a peh i ralkap nawl ngeihnak a phawih dih ahcun kawlram chung um ramkulh le ramthen vialte kan i lawm tuk lai nain kum (5) chung rian an tuannak an lohma pakhat hmanh kan hmu lo. Thawngpang kan theihmi pakhat cu Japan nih kawlram pumpi ah minung pakhat ah MMK 300000 cio ting dingin Covid 19 ruangah a bawmh ti a si. Asinain bawmhmi sin a phakter lonak, hmu/co ruannak le (2008) phunghrampi a remh duh lo mi hi ttanh than ding ahcun a cingmi nupi thit he aa lo ko lo maw?

Cu caah miphun covo lak than dingin a cawlcang mi CNLD cu ttanh awk ah a phu hrimhrim mi a si. Thimnak a dih hnu incun an MP vialte hi chawnh zong an chawnh kho ti hna lai lo a timi hi amah a lungput a si maw? Cucu amah party NLD riantuantu hrimhrim kha an si.

Pumkhat le chungkhat kan ttanhnak in kaa ngaichih hrimhrim lai lo. Party dang ah hlawh a hlangmi kan unau hna rak kir than uhlaw mah miphun te a si mi CNLD hi mee pe cio ko usih.

Pu Kung Hlau
Tilak

Leave a Reply