Dr. SaSa le Pu Henry Van Thio Kongah Tlawmte ka van thai ta lai.

Chin News

Dr. SaSa le Pu Henry Van Thio Tlawmte ka van thai ta lai. Hi kan pa le bantuk mitha mi dingfel,Pathian ai bochan mi pawl hi kan Miphun nih tampi kan herh ko, Upatnak ka pek peng ko hna lai. Hi kan pa le pahnih a soisel ngam mi le a thangchiat ngam mi minung pawl cu one way mind lawngin khua a hmu i bia a chimrel mi an si lai tiah ka ruah. Upat tlak minung cu upat ding an si ko. Minung hi chanbaunak a ngei cio mi lawngte kan si, kan i timh mi zong ai lo thlu lai lo. Kan mah duh ning lawng in minung hi thutdir ter awk a tha lo. A lamkip in mah le khaptawk cio in Miphun caah riantuan cio ding asi ko. Miphun Party hi ka dirpi mi asi. Nain hi kan pa le pawl hi Miphun Party ah an um lo ruangah soisel le thangchiat ding an si hrim lo. Credit: Thawng Bawi Zathang

Relchap ding thawngpang dang, Lungfim ko ahcun; Ralkap cozah tinak hmanh in Than Shwe le Khin Nyunt chan lioah ralkap cozah a rak doh ngamtu cu Aung San Suu Kyi le NLD party lawng an si ko. Facebook luklak in an rak doh lo. Thih ngamh in an rak doh. Thongtlak ngamh in an rak doh fawn. A thih zong mi tampi an rak thi phah taktak i, thong zong mi tampi an tlak phah taktak. Aung San Suu Kyi le NLD party khi rak um hlah sehlaw, tukum thimnak a lut hnga dingmi party 92 khi an um ve hnga lo. Cucu lungfim ve zinpan ko ahcun theih ding bak a si ko.

Naite taktak i Facebook chungin Aung San Suu Kyi a thangchiattu hna le a soiseltu hna tampi an theih ko hna nain, Aung San Suu Kyi nih tlai hna hlah u a timi zong kan theih dih ko. A ngaite tiah, a ral a daw khomi cu khrihfa sawhsawh cu chim lo, Pastor te le Evangelist pawl hmanh nih an tuah khawh lomi a si. Cu nun cu NLD party hruaitu Aung San Suu Kyi nih a ngeih. Democracy phung a si caah party cu dirh ve phung a si ko. MP zong i cuh ve phung a si ko. Asinain, Aung San Su Kyi soisel phun in biachim le NLD cu Kawl party a si hei ti phun in biachim hi USDP party he kan i dannak pakhat hmanh a um hlei rua lo. Credit: Perhkalh

Leave a Reply