Gospel Singers Group Pawl Bungtla Tisor An Kalnak Hmanthlak Pawl Zoh Dawh Taktak Hna
============================

Hakha le Thantlang khuapi ah a ummi Gospel Singers Group pawl cawlcanghnak hi aa dawh tuk hringhran. Paletwa ralzam bawmhnak caah tiin Hakha khualipi lam cungah nithum chung hlasaknak in phaisa an kawlpiak hna i, tangka zong zeimawzat an hmuh ti thawng theih a si. Hakha khualipi ah nithum chung hlasaknak in fund an kawlmi cu Kawlram tangka in ting 7,500,000 an hmuh tiang theih a si. Cun, Matupi khuapi chungah nikhat chung bak hlasaknak in caan an hman than i, Kawlram tangka in ting 1,500,000 an hmuh chap than tiah theih a si. Hi Gospel Singers Group hna cu an mah pumpak Paletwa ralzam umnak hmunhma tiang va kal ti loin Ralzam lei zohkhenhtu le tawlreltu pawl cu Matupi khuapi tiang an rak ra i, Matupi khuapi ah tangka an hmuhmi dihlak Kawlram tangka ting 9,000,000 an ap hna, tiah thawngpang theih a si.

Gospel Singers Group pawl cu Kawlram chung le Chin ramkulh chungah minthang pakhat a simi Bungtla tisor zoh ah an kal hna i hmanthlaknak zeimawzat an ngeih kho hna. Hakha le Thantlang khuapi um Gospel Singers Group pawl nih Paletwa ralzam caah an kut samh in Kawlram tangka ting 9,000,000 an hmuh tikah lawmhpi lo awk an tha lo. Hmailei Pathian rian an tuannak zong thancho chin hna sehlaw, Bawipa tu nih hman chin ko hna seh.

Gospel Singers Group pawl nih Paletwa ralzam an bawmhmi hna hi Chin ramkulh cozah zong an i lawm tuk cio lai dah. Cu lawng si loin ramchung ramleng Chin miphun dihlak nih kan lawmhpi tuk cio hna. Hmailei ah Chin miphun nih bochan mi le hmanawktlak singer si cio hram hna seh. Bungtla tisor an kalnak le an hmanthlak tete zoh tikah mi thinlung a dam ter kho tuk hringhran.

Gospel Singers Group pawl hmanthlak hi pakhat hnu pakhat in rak zoh piak ve hna hmanh uh. Pakhat le pakhat thazang i pe cio hna usihlaw, pakhat le pakhat i cawisan cio hna usih. Hakha le Thantlang singers pawl nih tuanbia dawh taktak an kan tialpiak ti khawh a si. Lungrual tein nili chung bak mi harsat bawmhnak caah zaanghlei an cawinak le an i pumpeknak cungah Bawipa tu nih thluachuah pe chin ko hna seh.