Hakha Khuachung Motors-Cycle A Mawng Mi Caah Cozah Nih Phungthar An Chuah

Chin News

Hakha khuachung ah mottaw le cycle mawngh tik zulhphung a zul lo mi cutlaih an si cang lai. Hakha khuachung ah motor le motor-cycle khawndennak a um nakhngak lo motor PK le siang hngakchia tthenkhat hna he i bawm in July thla 31 ah fimchimhnak an tuah. Hi an tuah dih hnu cun zulhphung a zul lo mi cu tlaih an si cang lai tiah theih an si.

Atu bantuk in motor le motor cycle nih zulhphung an zulh lo ahcun COVID-19 zawtnak hrik runvennak tuah lio a si zong ah tlaih an si Lai tiah theih a si. A luancia mi thla ah motor maenghning le cycle mawngh ning tuah ding tete fimchimhnak an rak tuah bal cang. Cucaah fimchimhhnak lawng siloin zulhphung a si lo mi hna cu dantat an si cang lai tiah kan theih.

A luancia mi zulhphung a zul lomi dantat mi nakin fak deuh indantat ding in nawl an chuah thar mi tete zong a um. Cu hna cu leisence ngei lo mawngtu cu sing 3(300,000) le thla 3 thongthlak ding. Hihi a luancia mi ahcun sing1(100000) le thlakhat thing lawng a si. Atu ahcun a let 2 in fak deuh indantat an si Lai.

Cucaah cozah nih zulhphung an ser mi thil cu khuami le mipi hna nih kan zulh a hau. Hakha khua ah leisence le zingmaung card zong tuahpiak chuahmah lio an si tiah kan theih. Cucaah cycle-mawtors mawngh tikah mipi zong nih biatak tein kan i ralrin ngaingai a hau cang.

Leave a Reply