Hakha Peng Vote Thla Kho Ding Zat An Langhter Cang

Chin News

Hakha peng chung mee pe khoto cazin cu Hakha peng Election Commission le mino hna i bawm in an taar cang: 2020 November thla 8 tuah ding mi Myanmar ram pumpi thimnak ah Hakha Peng Election Commission le Hakha Mino hna I bawm in July thla 25 thawk in Mee pee khotu min cazin an tar cang tiah theih a si.

 

Hi Mee pee khotu min cazin taar mi hna cu nifatin in mino hna nih anmah le an caan cio in an hngah i Hakha peng Election Commission phu hna zong nih zohfelnak an tuah peng tiah kan theih. Hi min cazin an tar mi cu July thla 25 in August thla 14 tiang tar a si lai tiah theih a si.

 

Mee a pe Kho Minung cazin an taar mi cu an zohkhawhnak ding ah Thawngthanhnak le tlangaunak zong an tuah lengmang caah nikhat ah minung 100 tluk in Nifatin an zoh Peng. Hakha Peng in Mee pee kho Minung Pa 18746 le Nu 20950 an si an zapi Minung 39696 an si.

2020 thimnak ah Hakha peng ah i zuamnak hmunhma a ummi ah aa Zuam dih kho tu cu NLD le CNLD lawng an si tiah kan theih. Asinain hmun khat hnih ah Party dang in i zuam ding in timhtuahnak a ngei mi hna zong an um ve.

Leave a Reply