Hluttaw MP a tuan bal bak lomi le MP aa zuam bal bak lomi AuThawng

Chin News

Hluttaw MP a tuan bal bak lomi le MP aa zuam bal bak lomi AuThawng

(1) Myanmar ah State/Region Hluttaw le Amyotha le Pyithu pahnih fonh Pyidaungsuh Hluttaw pahnih hna cu 2008 phunghram nih a hrin hna. (2) Myanmar rampi a aiawhtu (head of state le head of government) lu bik cu President a si. (3) Presidents hna cu ram pumpi thimnak ah aa zuam lomi asiloah thimnak ah aa zuam i teihnak a hmutu MPs si an hau lo. Thimnak ah a lut lomi mileng minung bak kha President ah thimnak nawl cu 2008 phunghram nih a pek.
(4) Cucaah President hna hi ram pumpi thimnak chungah aa zuam bak vemi le thimnak ah teinak a hmu bakmi kha Presidents ah thim ding in ka hun chuahpi. (5) Pyidaungsuh asiloah Amyotha Hluttaw le Pyithu Hluttaw Speaker le Deputy Speaker hna cu ram pumpi thimnak ah teitu a si mi lawnglawng thim an si. Teinak a hmu lomi thim khawh an si lo. Cu bantukin Presidents hna zong hi thim ding a si.

(6) State le Region Hluttaw Speaker le Deputy Speaker hna cu thimnak ah teinak a hmumi lawnglawng thim khawh an si. Pyidaungsu Hluttaw he a um kal ning aa khat caah okay ka ti. (7) State le Region Government i a lubik a simi Chief Ministers hna cu ram pumpi thimnak ah teinak a hmumi bak a si lai ti a si. Teinak a hmu lomi kha thim khawh an si lai. Union acozah a hruaitu Presidents, Myanmar ram pi aiawhtu hna tu cu thimnak ah aa zuam lomi kha 2008 phunghram nih thim khawhnak nawl a pek hna nain State le Region Chief Ministers hna cu thimnak ah teinak a hmumi lawnglawng thim an si hawi caah Pyidaungsu acozah le State le Region karlak ah thleidannak a um. (8) Thim hau lo veve thimnak nawl a onh ahcun onh lo veve sisehlaw ka hei duh. (9) Ram pumpi lubik asimi Presidents dihlak hi State le Region MPs dihlak le Pyidaungsuh MPs dihlak fonh in thim sihna seh ti hi ka duh. (10) State le Region MPs hna thlahlawh cu thlakhat ah ting 5 lawng a si.

(11) Amyotha le Pyithu MPs hna lahkhah tu cu thlakhat ah ting 10 a si hawi. MPs ciocio karlak ah thleidannak a um hawi. (12) Thimnak hmu a bit le a kau ruangah lahkhah a tlom le a tam tiah then a si ahcun State le Region MPs lahkhah cu thlakhat ah ting 5 a si ahcun Pyithu hluttaw hi Ting 10 siseh, Amyotha Hluttaw hi State le Region aiawhtu an si i State pakhat in minung 12 lawng thim an si caah ting 15 siseh law ka hei duh pah. (13) Township a tlomnak State le Region a simi Chin, Kayah, Kayin, Mon le Tanintharyi tu ahcun Amyotha Hluttaw MPs lahkhah tu cu zeitindah tuah a si hawi hnga? Credit: Thawng Za Pum

Leave a Reply