By ‎ဆလိုင္း လူဆို: Mi nih mi phun a daw siah cun Dr Degree va lak ih politirct va thiam chiamam lei khi a si lo , tiin kei ka hmuh ve dan khi si. Jacob R.Thang hi Dr Sasa nih a tei lo nak a ruang tampi ka hmu ve ning ka van tar langh ve duh.

Jacob R thang: A Catang a degree ka theih hlan a a ca tial tampi ka rel ih miphun dawt nak a ngei taktak ko tih mi hi fiangte in ka chim kho. Miphun caah tha lo ngai backgroud history a theih kau ih ,hmai lei ah miphun a rawk ter tu polictirct tha lo zong a fiang ngai ih a doh ngam mah cu Dr sasa nakin ka upat nak si.

Dr sasa: Ka theih cangka in Dr tiin la thei mi si chinram caah thil tha tam pi a tuah dream tampi angei upat lo awk tha lo. Miphun dawt raung a maw cu thil cu atuah tih mi hi tu lio a video hlah tam nawn ka van zoh ah hin theih thiam a har pah. Apoi ngai cu. Miphun a rawk ter tu liam cia mi backgroud politirct history a thei bak lo a ra lai ding mi ah zeitin dah kan miphun kan venhim lai tih cu a thei bak ve lo.miphun a tlau tham ah cun lai ram ah hin sui lampi zong tuah ko ning zei dah a sulam um? Nghakchia hna zong nih nawmh nak lei cu a dream tam pi a ngei kho tuk lo maw ka ti.

Relchih>>>>>Laimi or Chinmi chungah mi bik asimi kan pa Dr lawngte biachimmi zoh tikah Miphun party hi cu a harh hrimhrim ko i, Tutan thimnak zongah miphun party nih teinak an hmuh hrimhrim ahau ko timi hi zapi nih kan i fian ngaingai aharh cang. Hi bia ka chim tikah CNLD ka dirkamh ruangah asi lo. Kan pa le hmurka zoh in afiang ngaingai mi asi ko.

CNLD hi zeiruangah dah kanmah Chinmi vialte hna nih kan dirpi khawh lo ning asi timi hi khuaruahhar ngaingai pakhat cu a si ko. Kawlpawl chungah CNLD a dirpi mi pakhat tel nan thei hna maw? Cu a si komi Laimi or Chinmi nih NLD kan va dirkamh khi zeiruang bik ah dah asi. Kanmah kan ram Chinram chungah cun mah miphun party hi dirkamh ding asi ko hnga lo maw? Salai Ceu Bik Thawng nih hitihin achim.

Phunghrampi remh hau loin tlangcungmi kan covo lak than khawhmi tuah khawhmi tampi an um ve ko. Voi tampi hihi kan chim cangmi a si ko. Chin Miphun Ni (CND) zung khar ni ah ser ding. Chin State ramri an kan enmi pawl khuakhirh than ding, Chin Act upadi fehter than i Chin nunphung (customary) vialte kilven ding. Kan biakinn pawl biaknak laisen ngah dih ding, Kokek thilmansung ngunkhuai thenphawtnak covo ngah ding.

Nuhrin holh in cacawnnak (Mother Tongue Based Education System). Hi hna pawl hi Phunghrampi remh hau loin le ralkap tihtanh loin tuah khawh dihmi an si. Cucu NLD le USDP cozah an tuan chungah pakhat hmanh an kan tuahpiak (duh) lo. Cu nih an lungput a langhter ko. Cun pi-ne ah teinak a hmumi party kha Vuancichoh pek i cozah serter zong kha poh-mah (261) remh hau loin teinak a hmumi cozah nih nawlpek khawh a si ko.

Cucu miphun federal covo a si cu mu. NLD cozah nih Rakhine ram ah teinak a hmumi ANP party kha cozah tlaihter khawh asi ko nain an pe duh lo. Tlangcungmi covo pek khawh tuk asi ko nain, pe duh lo riangmang in azeipoh ralkap le Phunghrampi puh (scapegoat) dih hi Kawl Party zia a si, Tiah a chimmi ah hin a fiangtuk mi asi. Miphun party aharhnak konghe pehtlaiin Laimi bochanmi kan pale hna nih an chimmi ahhin vun zohcio tuah hna usih law Miphun Party cu dirpi ahau maw hau lo timi cu nan fiang dih lai.

Dr Lian Hmung Sakhong nih a chimmi cu NCA ah hin Miphun Party aharh ning le miphun Party ahlam bik tuhi keimah ka si lai tiah a chim. Cun Dr Hre Mang zong nih a chim mi cu Tlangcung mi nih kan duh mi le kan harh mi a theitu le attuan ding taktak cu miphun party hi a si tiah a chim rih. Cun Dr Thla Awr Bawihrin nih a ti tthan mi cu Tlangcung mi kan duhtlin khawhnak le kan covo hmuh khawhnak ding caah Miphun party ah kan i fun ahau tiah a chim rih.

Hi konghe pehtlaiin Dr Sasa nih cun hitihin a chim NCA le Tlangcung mi Federal kan ngah khawhnak dingah cun Tlangcung Party san atlai lo tiah a chim ve. Vun tuak cio tuah ulaw miphun party cu ahau maw aharh maw timi nangmah tein na fiang lai. Zeicaah tiah kan pa le hna hi mi sawhsawh an si lo thil a thei bak mi lawngte an si timi zong hi ruah chih ahau.