Kanpelet Khuapi Ngandamnak Lei Rianttuannak Caah Bawmhnak An Pekmi Cu Lung A Tlingtuk Hringhran

Chin News

Kanpelet Khuapi Ngandamnak lei rianttuannak caah Moble Tablet 56 bawmhnak pek an si: Chin ramkulh Kanpelet Peng ngandamnak lei rianttuannak ca ah tiin Moble phone Table 56, cu Chin Ramkulh Social Affairs Minister Pu Pau Lun Min Thang le Cozah lei ttuanvo ngeitu hna nih July thla 7 ah an pek hna tiah theih an si.

“Atu bantuk in Moble Phone bawmhnak an pek hnawhchan cu, Ngandamnak lei in fawi deuh in Pehtlaih khawhnak ding le, Ttha tein Kan I Zohkhenh khawhnak ding ah an herh tuk mi thil a si ca ah Kan pek mi hna a si” tiah Chin Ramkulh Ngandamnak Zung lutlai Dr. Aung Ngwe San nih a chim. Moble phone 56 cu Chin Ramkulh Sipin le Electric lei Minister Pu Soe Htet, Social Affairs Minister Pu Pau Lun Min Thang, Kapetlet Peng Pyithu Hluttaw Salai U Ngunt Win le Kanpetlet Peng Amyotha Hluttaw Palai Daw Khine See hna nih pekchanhnak an va tuah tiah thawng kan theih.

Kanpetlet Peng cu Chin Ramkulh Chung ah Ngandamnak lei ah harsatnak a tong hlei mi Peng an si tiah theih an si. Cucaah atu bantuk in Chinram Cozah nih bawmhnak an pek hna hi a si. Kanpetlet Peng le Paletwa Peng hi Ngandamnak lei ah harsatnak a tong Bik mi le rianttuantu an tlawm biknak Peng an si.

Relchih>>>>>>Paletwa Peng ralzaam hna ca ah Bellevue Myanmar Baptist Church Owensboro, Kentucky USA in Ks 4,000,000 bawmhnak an pek: Chin Ramkulh Paletwa Peng ralzaam hna ca ah ti in US um Bellevue Myanmar Baptist Church, Owensboro, Kentucky nih Tangka Ks-4,000,000 July 8 ah Chin Ramkulh Cozah sin ah Bawmhchannak a pek tiah thawng kan theih.

Hi Bawmhchannak cu Chin Ramkulh Chief Minister Zung Chung ah pekchanhnak an tuah. Cu pekchanhnak ah Chief Minister Pu Salai Lian Luai le Minister hna nih an Cohlan. Chin Ramkulh Cozah lei nih lunglawmhnak Roca an pek hna I Chin Ramkulh Chief Minister Pu Salai Lian Luai nih lunglawmhnak bia zong a chim tiah thawng kan theih.

Chin Ramkulh Paletwa Peng ralzaam in Minung a 1000 Deng nih inn le lo an chuaktak I Hmundang kadang ah an zam. Tu thla July ah Ralzam in hmundang ah tthial a Tim mi an um nain Kawl Ralkap le AA i kahnak ruang le Ruahpi a sur Peng ca ah zam ngam loin an um tiah theih an si. Paletwa Peng ca ah Hakha in bawmhnak sing 800 (80,000,000) Tangka in bawmhnak an pek cang hna tiah theih a si. Asinain bawmhchanh an hau rih. Din EI Kong ah siseh umnak inn le lo Kong tiang in harsatnak an tong tiah IRDP nih a ttial.

Note: Ca ngeitu nawl loin hohmanh nih copy & paste na kan tuahpiak nak hnga lo kan in nawl hna. Kan ca nan kan relpiak mi cungah lawmnak bia kan chim. lawmhnak he Admin

Leave a Reply