Kawl Ralkap Le AA I Kahnak Ruangah Paletwa Peng Khua 69 Ah A Phan Kho Lomi

Chin News

Kawl Ralkap le AA i kahnak ruang ah Chin ramkulh Paletwa peng khuate 69 ah Cacawn ding textbook a phan kho lo: Myanmar Cozah le Rakhine Hriamtlai AA I kahnak ruang ah Khualtlawn le thilri phurh ngam a si lo caah Chin ramkulh Paletwa Leng khuate 69 ah Siangngakchia nih an cawn ding mi Cauk Textbook a Phan khawh lo caah Sianginn Hon le Cacawn khawh a si Lai lo caah lungrethei in an um tiah theih a si.

Myanmar army kills 25 in Rohingya villages - BBC News

2020-2021 Cacawn Kum ah Siangngakchia hna nih an cawn ding mi Cauk le sianginn nih a herh mi thilri cu Sami khua tiang a Phan Kho nain atu bantuk Kawl Ralkap le AA Hriamtlai I kahnak ruang ah Khuate lei ah an phurhngam lonak ruang ah Khuate a phanh lonak hi a si. Sami khua a phanhnak Thla that reng ti lo a si nain khuate ah phurh a ho hmanh nih an ngamh lo caah atu bantuk Sami khua ah a um Pengnak hi a si.

ARAKAN CONFLICT: The Arakan Army assertiveness or an act of self ...

Paletwa Peng thilri phurhnak ah an hman mi Tilawng fa tete an si. Asinain Kawl Ralkap le AA I kahnak ruang ah aho nih an phur ngam lo. Fimcawnnak ding Kong ah siloin Pawcawmnak Kong ah siseh, Din-einak Kong ah lung rethei in an um hna. Paletwa Peng Tthen khat cu i kahnak ruang ah Khua ah um ngam lo in khuate dang a zam mi hna an um. I kahnak ruang ah Khuami Minung Tam tuk an nunnak a liam cang.

Hi Paletwa Peng Kawl Ralkap le AA i kahnak ruang ah Chinmi harsatnak a tong mi an Tam tuk caah CHIN Ralkap CNF/A hna nih Paletwa chuah Tak uh tiah Cathanh an rak chuahnak a si. Asiani atu tiang ah Paletwa Peng AA Hriamtlai hna cu an I tthial lo tiah RFA nih a ttial.

Leave a Reply