Mindat Mipi Kilvengtu Upa Le Ralhrang Tonnak An Ngei Lai

Chin News

Mindat Ah Kawl Ralhrang Pawl Le Mipi Kilvengtu Hruaitu Tonnak An Ngei Lai! Mindat khuapi ah mipi humhimtu hna le kawl ralhrang hna karlak buainak cu tuni May 2 tiangah a dai kho taktak rih lo i, a donghnak caah tuni ah tonnak an ngei tthan lai tiah mipi humhimtu bu hruaitu pakhat nih a chim.

Facebook takes down main page of Myanmar military, SE Asia News & Top Stories - The Straits Times

Tonnak an neihnak ah hin Mindat mipi humhimtu lei nih ralhrang hna sinah an tlaih mi hna minung 6 cu thlah dingin an hal hna i, Mindat khuapi chungah ralhrang le palik hna cu chiah chap lo dingin le mipi hna cungah hnahnawhnak pek lo dingin phun 3 an hal hna. Ralhrang lei nih mipi humhimtu sakhan pawl cu hrawh i daite um dingin le Mindat ah a um cia mi kawl ralhrang le palik hna cu buainak pek lo dingin an hal ve hna.

Nihin May 2 ah hin a hnu bik tonnak an nei tthan lai i, zeibantuk biachahnak dah an ngaih lai timi cu theih si rih loh. May 1 ah an rak i chawn cang i, remdaihnak an tuah khawh lo ruangah tuni ah hin chawnhbiaknak cu an ngei tthan lai. An halmi veve an lungtlin asi ahcun remdaihnak tuah ding an si lai.

Ahmasa deuh an i chawnhbiaknak ah ralhrang nih Mindat mino 7 an tlaih mi hna cu an rak thlah hna i, Mindat mipi humhimtu lei zongnih Mindat khuapi pawng i an hrenmi hna ralhrang 30 cu an rak chuah ve hna. Tuni zongah Bank Noted phur vanlawng cu Mindat khuapi ah a tum i, mipi caah a him maw him lo tiah Mindat mipi kilvengtu le khuanu khuapa hna nih vanlawng cu an va chek colh lai i, mipi lei zong thinphang thlalau in um lo dingin thawng an thanh hna hi si.

Leave a Reply