NRPC nih CNF/A bawmhnak Ks-7500000 an pek mi nan hmuh le hmuh lo Thawngthanhnak Kan tuah uh tiah NRPC nih Cathanh an chuah hnawh hna mi cu a poi taktak. National Reconciliation and Peace Center NRPC nih a luancia mi ah COVID-19 zawtnak hrik runvennak caah harsatnak a tong mi CNF/A hna bawmhnak sing 75 Ks bawmhnak an rak pek mi hna kong ah CNF/A nih an hmuh le hmuh lo zeihmanh thawngthanhnak an tuah hna lo caah NRPC nih nan hmuh le hmuh lo thawngthanhnak kan tuah uh tiah cathanh an chuah hnawh mi hna cu July thla 24 ah mizapi hmuh ding in an phozar mi cu a poi taktak.

Ram le miphun caah rianttuan mi an si bantuk in bawmchantu hna sinah lunglawmhnak or kan hmuh nan bawmhnak tiah thawngthanhnak an tuah lo mi Kong ah bawmchantu hna nih cathanh bantuk an chuah hnawh mi hna cu an rianttuannak ah dawnkhantu ngaingai a si Lai tiah zumh a si.

Hi bawmhnak an pek mi hna cu CNF/A hna nih tlamtling in an hmuh le hmuh lo Thawng fiang in theih a si rih lo. A ruang cu bawmhnak a Petu hna nih Nan hmuh le hmuh lo Thawngthanhnak rak kan tuah ulaw tiah Cathanh an chuah. Atu bantuk Tangka bawmhnak an pek mi cu CNF/A lei in bawmhnak an Hal mi si loin National Reconciliation and Peace CenterNRPC lei nih bawmhnak an pek mi a si tiah theih an si.

Asinain July thla 24 ah NRPC nih bawmhnak kan in pek mi hna nan hmuh le hmuh lo Thawngthanhnak ka cang uh tiah anmah chungttuan hna nih Cathanh an chuah. Hihi CNF/A hna ca ah zoh dawh lo ngai a si. Hmailei ah NRPC nih bawmhnak an pek ti hna Lai ma pe ti lo ti Bal chim awk tha an si lo tiah NRPC lei nih an chim chap.