Nungak no tete cu:Kawl ralkap nih an vang an kar ter hna i’An thil ri cu thi chuak lakin an tuah piak hna.

Chin News

Nu ngak no tete an tlaih mi hna an tuah to tuk hna nak kong RFA interview in theih khawh a si.An vang an kar ter hna hnu ah an thilri kha an duhnak ta rang in a chuih piak hna i a thi chuak dih lak in.Cun an liang cung ah an thu i a sam pong dih lak in an dawh piak hna.Miphun dang le biaknak dang he a duhmi an si ahcun fak piin an hrem chinchin hna ti a si’Lung hi a dong cikcek ko.Bia dawh ca lo a siko nain mipi nih kan thei ah a tha ko tiah ka ruah caah ka van chiah mi asi catial tu Lainu Dawtu Aa Bor.

Thawngpang dang:A cung tlang he pehtlai in Donald Trump cu President a si tilo zong ah’A thinlung ah cun mipi cung ah dawtnak hi a ngei peng ko tihi tutan ah a langh than’USA President a tuan lio ah khan minung tampi nih an rak doh bang in’Dawt tu tampi zong a rak ngei ve bantuk in President a tuan tilo hnu zong ah mipi nih an hlam i a kong an cei peng mi asi khoika dah a um cang hna’Zeidah a tuah ton hna tiah mipi nih Trump kong cu research an tuah peng ve.

Mipi thinlung ah hin Donald Trump a thi kho hrimhrim tilo mipi nih an hlam i an ngai peng bang in a nih zong nih USA mipi hi harnak an tong sual lai timi hi a tutiang a phang peng tizong in thawng kan thei’Trump nih USA President sinak a kaltak lai ah khan mipi cu nan ka ngaituk tela ati ta hna bang in mipi zong nih an ngai taktak ko.

Mah vial kha Trump President a si tilo hnu ah a konglam tawi ka tial khawh mi siseh law’Joe Biden nih President a tuan hnu ah hin buainak tam ngai a chuak in a langh mipi zong thinphang in an um hna ti silaw kan palh lailo’A hlei in kan mah laimi mah kong he pehtlai in Trump nih Biden cu ruah nak le ralring a pek USA ram chung ah muslim biaknak le misual pawl lut tar hna hlah ti ah a thar in ralring nak Trump nih a rak pek than Donald Trump nih hin USA rampi hi a rawk sual lai tihi a phang tuk caah tutiang zong Biden cu Trump nih ralring a pek peng’Misual pawl USA ram ah lut tar loding bakin Trump nih Biden cu ralring a pek Chin connection.

Atulio Hakha hrawng boruak kong ah khuami cheukhat awka’Nihin kan ram boruak he pehtlai in Hakha khuasa khuami cheukhat awka kan hun langhter. Innpa chakthlang aa chawn bal theng lo mi zong kan hun i chawnbia ngai hna. Kan ceih mi tu cu zapi hngalh a si ko. Khuataw ah voih kha khualu ah ek an canter i internet line a hmang kho ve lo mi le facebook hmang thiamlo kannih tepawl cu chunzaan chimlo suimilaam pakhat kar ah kan khuaruah le biachahnak aa thleng peng ko.Lungrawk ngai kan si,” tiah Hakha Sang pakhat in upa pakhat nih The Hakha Times ah a chim.

Hi kong ah min langhter lo mi upa ngai pakhat nih, “Facebook nan ti mi nih hin hna a kan hnawh tuk cang. US um ka fale nih hin a langtlang in thawng an kan thanh khawh deuh. Zaanlai hna ah hin lau lengmang in an kan chawnh le cuticun facebook ah an tial. Rak zaam u, rak i dor u, khur rak co u, rak i ralring u, ti lawngte si ko. An chimning in le thil pakhat hmanh a cang bal hoi lo. Facebook nan ti mi hi lih le hrawkhrol chim/ tialnak a si ko rua aih,” tiah a chim.

“CNA nih April ni ah an kah ve cang hna lai. Hakha le Thantlang hrawng cu a bi tuk fawn. Ralkap nih helicopter in bomb an thlak lai i kan thi dih ko lai. Mino zaangthawng deuh cu hriam an tlai dih cang an ti. Tarnu tarpa le nunau lawng khuahngak kan si. Zeitinhme kan si kun lai kan ti. CNA nih kah ve ding a nicaan an thanhpiak mi hna zong ah an i kap fawn lo. Zingbia le chunbia hmanh kan thleidang kho ruam lo. Aho bia cu dek kan zumh bik ti rua hnga. Hawi thinphan le thlalau lio ah,” tiah upa pakhat nih a chim ve.

Media riantuan pakhat nih, “Social Media pawl nih hin an kan nawnnok ngai. Hiti ti tik ah kanmah local media kha kan tling bik bak lo nain an chungkhat le hawikom chimchin mi luklak, cu hmanh cu anmah nih hmuh mi le theih mi si loin mi biasiphai mi kha an chimchin i cucu Social Media ah hawihlei thawngpang thei hmasa bang post zokzok kha an i zuam. Cu nih cun media kan limhaang zong a zorter pin ah kanmah local based pawl hi santlailo bik ah zapi zaraan nih an kan hmuh. Tarnu tarpa le nunau lungrethei in a kan chiatu hi Ralkap tluk tein Social Media tam deuh hi an si ve. Cun, Citizen Journalist (CJ) kan laar ngai. Atu bantuk boruak lio ah hin media riantuantu lawng kan i phazo kholo i CJ hi a herh tuk. Asinain, biadik le diklo thleidang lo bak in kan timeline cio ah kan phozaar i cu zong cu Social Media tam deuh nih ar-rawl cuk in an cuk hoi. Local based media kan santlaihlo chapchap ah an kan vaivuanh bak ko,” tiah a chim.

“Kei cu a chim zong ka zuam lo aih. Thih caan phanh si le kan thi te ko lai. Facebook ah ka rel, cutin khatin an ti mi a tam tuk i a zei set hi zumh awk zong ka hngal lo. Daite um tha deuh,” tiah min langhter lo nutung pakhat nih a chim.

Mino pakhat nih, “Laimi hi cu kan poi deuh. Mifir nih khin thil a fir lai ah anih techung thil ka va fir lai, tiah a chimcia bal lo. CNA nih cu nithla ah an kah ve cang hna lai tiin a nicaan dikfel he ca an tial. Ralkap nih cu tik ah cu ni ah kan kah hna lai ti cu an chimcia bal lai lo. Cu ruang ah ni khat lio cu kannih khuami tam ngai vawlei khur cawh mi ah an luut. Zeitluk in dah biasiphainak le biavaivuan nih kan thinlung a hnursuan ti hi ruah ngaingai a herh. Ramdang um pawl ko nih hin kan thin an kan phanter. Ramtha kan um ti phun in an aukhuang tuk i an kan vaivuanh tuk deuh,” tiah a chim. Atu bantuk in khuami cheukhat (mitlawmte) awka kan langhter mi chung ah tial awk tha deuh lo an bia zong a um len ca ah a cunglei awka vial kan hun langhter The Hakha Times.

Leave a Reply