Pension Chuah Rih Lo Ding in CDM a Tuahmi nih an Nawl nain an Chuah Thotho

Chin News

Pension Chuah Rih Lo Ding in CDM a Tuahmi nih an Nawl nain an Chuah Thotho. Pension a eimi Hakha khuanu khuapa hna nih acozah bank ah pension chuah loin rak kan umpiak rih u tiah CDM a tuahmi bank riantuantu pawl nih nawlnak le thawngthanhnak an tuah nain nihin zinglei Myanmar Economic Bank ah pension a chuahtu an tam ngai thotho.

May be an image of 1 person, standing, outdoors and text that says "PREMIUM"

Hakha khua i Myanmar Economic Bank (Ramkulh le Hakha District) rianṭuantu tam deuh CDM an tuah nain rianṭuantu minung 15 hrawng zung a kaimi an um rih, tiah kan theih. Source: The Chin Journal (Photo-ChinWorld)

BreakingNews: Hakha ah Motor Accident in Minung Pakhat Nunnak Liam. Nihin chun sml. 11:00 hrawng ah Hakha Bus Station pawng (Pu Thawng Kian Hotel pawng) ah Light Truck motor pakhat accident a tong i, motor mongtu a nunnak a liam.

May be an image of tree and road

Motor mongtu hi Cinkhua mi Pu Hleih Nawn a si i, amah lawng nih motor hi a khalh caah zeitindah accident a ton ning a si timi fiang in theih a si lo. Pu Hleih Nawn a ruak hi motor tang ah a rak um. A hrom ah motor thir nih a rak nanh chih i cuticun a ruak cu hmuh a si. By Min Cung Sang (The Chin Journal)

Rev. NC Thawng Tha Thang hruainak in MCYA mino 5000 renglo nih Ralkap uknak duhlo lamzawh. Yangon khualipi ah Rev. NC Thawng Tha Thang hruainak in Myanmar Christian Youth Alliance (MCYA) mino 5000 renglo nih 22-2-2021 ah Ralkap uknak duhlo langhter in lam an zawh, tiah kan theih.

May be an image of 3 people, people standing and outdoors

“Atu MCYA hi keimah nih ka hruai hna lio a si. Myanmar ramchung um Khrihfabu kip aa fonh mi Mino Bu pakhat a si. Nihin hi Myanmar Plazza in US Embassy tiang lam kan zawh lai ka ti nain, US ralkap an phiat ruang ah Singapore Embassy lei tu ah kan kal. US Embassy zong lam an hon bak in kan pehzulh than lai. Ca kan chiah mi zong leh ding in bia an kan tiam cang,” tiah Rev. NC Thawng Tha Thang nih The Hakha Times ah a chim.

May be an image of one or more people, people standing and road
A peh rih mi cu, “Pathian cu dinfelnak a tanh mi a si. Min Aung Hlaing nih nawlngeihnak a fir in a fir mi le dinlonak in a tuah mi thil cu mizapi nih kan hmuh ko ca ah kan doh ngam cio awk a si. Bible chung zong ah CDM a tuah mi tampi kan hmuh ko hna. Amah belte, Cozah riantuantu ca ahcun challenge a kan tuahtu taktak a si lai i an ca ah a har ngaingai ko lai. Asinain, anmah Cozah riantuantu hna hi kan bochan bik mi an si ko i mizapi zong nih dirpi peng hna usih,” ti zong a chim fawn.

May be an image of 4 people, people sitting, people standing and outdoors
Tutan Ralkap nih nawlngeihnak a laak a voi 3nak, Myanmar ramchung ah Khrihfa Biaknaklei upa hna, mino hna, Kawl biaknak, siseh, biaknak dangdang, Ramkheel party le Ramriantuan (politicians) hna lawng si loin, a bik in Cozah riantuantu le rammi mizapi nih lungrual taktak in CDM cawlcanghnak ah an luut hna. Source: The Hakha Times

________

Copyright © Chinlung Express

Leave a Reply