Pu Lalawmpuia Nih The Hakha Post Hi Nihin Ni Tiang Amiak Le Pawcawmnak Tiang Ngei KHo Ding In A Tuah Ti Uhsihlaw Kan Palh Lo

Chin News

The Hakha Post chung ah thil acang mi nih Laimi tampi ban tuk in, ka lung aka nuamh lo ter ngai ve. The Hakha Post cu Laimi nih kan i ngeih mi news media le print media ah pui tling cem le rinhcanh tlak cem in aho poh nih ruah mi asi. Cu tik ah atu ban tuk thil um hi cu a pawi ngai ngai. Laimi nih abik in Hakha, Than Tlang hrawng ah cun, pawcawm nak tlak in news media atuah kho tu zawng Tha Hakha Post hi nan si.

Adirh tu le a ngei tu zawng asi mi, Editor in Chief thing Saya Lal Awmpuia nih hin, The Hakha Post hi ni hin ni amiak le pawcawm nak tiang ngei kho ding in a tuah ti uh sih law kan palh lai loh.  Aruang cu tangkahram (capital) tampi ngeih ko zawng ah, zapi zaran nih tuah khawh mi asi loh. Hakha, Than Tlang ah tangka tampi a ngei mi tampi an rak um ko hna na in an tuah loh. Aruang tam pi lak ah, Print media le news media pawl in business kan tuah lai le kan miak lai ti ah zapi nih hmuh khawh asi lo pin ah, thiam nak ahau, theih hngalh nak a hau cu cu Saya Lal Awmpuia nih hin a ngeih mi asi.

Saya Lal Awnpuia nih hin ca lei ( literature) lei le media le news lei hi atalen ban tuk bak in ai ngeih mi asi… Cuca ah, mah afim thiam nak le a idea kha, business case a tuah i, Tha Hakha Post nih materialise a tuah i, products in a zuar tik ah, nihin ni ah cun, abik in Lairam ah pui tling media bik ah hong i cang hi asi. A ngai ngai ti ah cun, Saya Lalawmpuia nih caholh lei le media lei afim thiam nak le abik in Laimi zapi nih kan hngalh bik mi catial ah ai tel tik ah, cu Laimi zapi nih kan hngalh nak le kan uar nak (publicity and reputation) hi ahram adirh tu tak tak cu asi, chim duh mi cu tangkahram (capital )nak hmanh in abia pi mi, zuar awk a tha mi ( trades and saleable) idea le skills tu kha arak si.

Tahchunnak ah, Graham Bell nih telephone aser tik ah paten tuah in a ho hmanh nih zuar piak nak awl an ngei loh, Facebook aser tu Mark Zuckerburg zawng cu thiam thiam, Apple aser tu le Smart phone aser tu Steve Jobs zawng cu thiam thiam, an idea kha zuar khawh awk tlak in an tuah i company lian pipi ah an cang. Tha Hakha Post ca ah cun, Graham Bell, Steve Jobs ban tuk asi mi idea arak ngei hma sa tu Lal Awmpuia cu nan thilh diam ko. Amawh loh teh, chief editor asi mi reporter hna ah cun, nan thumh.

Tha Hakha Post nan dik lonak cu, Saya Lal Awm pui Australia a tlawn tik ah, Covid19 ruang ah, tlung kho lo in ai tap kar ah can tha rak i lak riang mang in, thil nan tuah mi hi thil dik lo ngai asi. A tak tak ti ah cun, mipi nih uar awk nan tlak nak le zuar awktlak nan (reputation) hi, an in cawk duh lo le an in hman duh hna lo ah cun business hmanh ai run kho lai loh.  Business le company ah cun a um kho mi asi ko na in, khual tlawn kar le harsat nak tawn kar hna i mah ban tuk thil rak thawk kha a pawi ngai. Arpi tap na sahngar ni na, Lai phungthluk nan hluan.

Note: Hi cabia hi Andrew Hup nih The Hakha Post nih thawng fianternak an tuahmi capar chungah a comment mi a si i, mi zapi nih theih awktlak asi tiah kan ruah caah kan thil chihmi a si.

Leave a Reply