Pu Thla Hre: “Independent Candidate Le Democracy”

Chin News

“Independent Candidate le Democracy ”

Independent Candidate cu party ai awh mi a ngei lo a ‘me’ hmun i mi za pi ai awh tu a si. Phun dang in chim ah cun mi za pi le ai awh tu kar lak ah dal mi, dal tu a um lo. Cu caah mi pi he neih niam tein i peh tlaih khawh zung zal mi a si. Democracy za uk phung nih a onh mi a si fawn. Ram khel lei nu hrin co vo (Political right), ram mi si nak nu hrin co vo (Civilian right) pa khat kan tuah a si ve. Sianghleirun pa khat ah ram khel lei thiam sang saya pa khat nih bia hal nak a tuah mi kong ka philh kho lo.A sianghngakchia hna cu hiti hin bia a hal hna .

Q: Democracy ram ah Mi zaa pi le Acozah an i peh tlaih nak nan hngalh fian ning ka chim tuah uh? A: 1. Democracy (za uk phung) a um nak ram ah cun , Mi za pi cu fa nu fa pa ban tuk an si i Aco zah cu hring tu nu le pa ban tuk an si.Cu caah nu pa a si mi A co zah nih ram mi za pi caah hruai tu le nawl ngei tu a si. A: 2. Democracy (za uk phung ) a um nak ram ah cun , ram mi za pi cu nu le pa can an si i A co zah cu fa nu fa pa ban tuk an si . Cu caah nu pa hna cu fa nu fa pa nih a zoh khenh a kil ven lai i chung khar pa khat ban tuk in nu le pa nawl angai lai.

Ca rel tu nih tah zei hi dah a dik deuh tiah na ruah ve? Independent candidate cu fa nu fa pa dir hmun a si i , ram mi za pi cu nu le pa an si tiah a pom tu a si. Cu lawng si loin Third party ban tuk in nu le pa a si mi , mi pi caah zoh fel tu a si leng ah kap tanh ngei lo ram rian tuan tu (non partisan) a si. Party pa khat men i a teng nge zong a si lo. (Not affiliated with any political party) Mi phun caah ram khel lei in sullam tam pi a ruang tam pi he a dir mi a si ve .
Democracy zauk phung nih a onh mi asi caah Mi za pi ai awh in chim rel khawh nak lawng si lo in ,hmun hma hmuh khawh nak lam zong tam pi a um ve.Democracy uk nak hi luat tein le sullam ngei ngai in a kan hruai tu a rak si hi fiang tein kan hngalh a herh.

Tuah Tuan Ding Mi Policy le Vision (A tlang pi in). 1. Khua te le khualipi caah a lam kip than cho nak fak piin ka tuan lai. 2. Lai mi phun (Chin mi phun) si nak kil ven, cawi san nak ka tuan lai. (miphun , nunphung, caholh, vawlei, ram). 3. Lai mi phun (Chin mi phun) nih nuhrin co vo kan tlinh khawh ve nak hnga fak pi in ka tuan lai. 4. Acozah tha ser nak ah fak pi in ka tuan lai. 5. 2008 phung hram pi remh nak le Federal Democracy (nawl ngeih nak sang ngeih khawh nak) a tuan mi ka bomh ve hna lai. Credit: Pu Thla Hre

Leave a Reply