SAC ralhrang le mipi i kah dohnak ah mipi lei pakhat thi pathum hliam an tuar.

Chin News

Loikaw , 54 ralhrang phu pawng ah Nizan kahdohnak ah mipi pakhat nunnak liam i a tlawm bik minung 3 an i hliam, inn cheukhat a rawk Kayah ramkulh (Karenni ramkulh) ,Loikaw 54 ralhrang um nak pawng ah nizan suimilam 7:30 hrawng ah a thok i hriamngan he hriam hme thawng kan theih i ralhrang lei in mawtaw a rak phan i an ruahdamh in an kah i mipi minung 1 a thi i minung 3 nak tlawnlo an i hliam, inn cheukhat a rawk tiah khuami hna sinin theih a si.

Acre 500 a si mi veng ah a um mi kum 42 a si mi pa pakhat cu a phei ah kuan nih a kenh i tuzing ah Volunteer phu hna nih sii-inn ah an kal pi tiah kan theih .Nu pakhat cu a thih nak kong hi fiang tein kan thei rih lo .

Tu tiang ahcun ralhrang he a kap mi hriamtlai phu hi zei an si ka fian rih lo leng ah mipi veng tu ralkap zong nih thawngthanhnak a um rih ko.Tuzing zinglei ah Loikaw ah ralhrang hna an cawlcangh ning cu kan hmuh i Demohsu um mi 102 Battalion hna nih Phru So lei ah zing Suimilam 7:20 hrawng thok in hramngan in an kah hna nak kong khuami hna thawngthanh nak ah an langhter.

Thawngdang Nizan september 13 ah United Nation Human Rights Council tonpumhnak cu Suitzerland ram Geneva khuapi ah tuah a si i, International Investigative Mechanism for Myanmar (IIMM) lutlai Mr. Nicholas Koumjian nih biachimnak a ngeih.

IIMM lutlai Nicholas Koumjian nih February 1 ah ralhrangbu nih hramhram in uknak a lak hnu an cawlcanghnak vialte khawmh dih a si i, sualnak an tuah mi cungah tuanvo ngeitu hna cu hlathlai dingin kan timhtuah lio a si tiah a chim.

Hi kong he pehtlaihin RFA nih a chim ningah tutan UN tonpumhnak ah a rak kai ve mi ram palai vialte tluk nih Kawlram kong hi an ruah ngai cio. IIMM riantuannak cung zongah an lungtling, thazaang an pek ngai tiah a ti.

Tutan UN tonpumhnak ah Kawlram aiawh in NUG le ralhrangbu zong nih kai an timh cio nain Credential committee nih biachahnak an tuah hlan chung cu an kai kho rih lai lo tiah NUG human rights vuanci U Aung Myo Min nih a chim.

IIMM lutlai Nicholas Koumjian nih ralhrangbu nih sualnak nganpi le vawleicung zulhphung hna a buar cuahmah rih nain atu tiang an sualnak cungah zeihmanh dantatnak kan tuah khawh rih lo caah mipi nih an tuar.

2017 Rakhine ram Rohingya hna cung cawlcanghnak ruangah Royhingya miphun a sing in an zam i, a tutiang an kir kho rih lo. February thla ah ralhrangbu nih nawlngeihnak a lak hnu ralhrangbu nih mipi an tlaihkhih mi, an hrem mi le an thah mi hna cheukhat a phehthup mi hna zong cazin kan don.

A tu ah Kawlram kenkip ah mipi thong renglo nih an inn le lo chuahtak in himnak kawl in an zaam. Ramchung chawlehnak zong a tla i, pawngkam ram hna ca zong khingrit ngai a si.

IIMM nih ralhrangbu cawlcanghnak 219000 leng kan ngah cang. Kan ngah mi cazin ningah mi 1000 hrawng thah an si cang. Media le ngandamnak lei riantuan hna cungah an cawlcang ning zong hmunkip ah a um. Mi tampi an tlaih lio mi a um.

Vawleicung zulhphung ningah sualnak a ngei lo mi mipi hna thah le tlaih mi cu humanity crime a si i, mah vialte hi kan tuah khawh mi chungah a um mi a si caah tha tein hlathlainak tuah kan zuam cuahmah lio a si.

Rian ngeitu hna nih IIMM cu sualnak a umnak hmun kal ter le hlathlainak an kan tuah ter duh lo ruangah lam dangin kan i zuam lio a si. Nupa sualnak le ngakchia cungah sualnak hna hi thong kan hmuh mi a tlawm deuh caah fak deuhin hlathlainak kan tuah lio a si tiah Mr. Nicholas Koumjian nih a chim.

NUG human rights minister U Aung Myo Min nih IIMM report nih UN general assembly ah biachahnak tuah a si tikah hmual tampi a ngei lai.

NUG zong nih Sagaing le Magwe ramthen chung ralhrangbu nih nuhrin covo a buarnak hna cu UN human rights council ah report tuah ding kan ngei ve tiah a chim the chin post.

Leave a Reply