Saisihchuak Tipi Hlei $ 2.5 Million in donh asi cang Lai.

India Mizoram pehnak Cozah Lampi Hakha/Thantlang Saisihchuak TIPI HLEI cu Vice President Henry Van Thio Zuampiaknak in donh cawlh asi cang lai. Mizoram lei zong in siseh Kawlram lei zong in siseh Kap hnih zuamnak in tlam a van tlinkhawh nak hi asi. India nih $ 2 million an chuah i, $ .5 million kawlram nih an chuah ve.
MP Pu Bawi Khing nih 2017 July 13 Avoikhatnak. 2018 Sep 17 a voi hnih nak Hlawtdaw ah halnak a tuah hnu ah atu bantuk in Vice President Henry Van Thio nih tlam a van tlin ternak hi asi. Credit: Rev. Dr. Peter Ngun Za Cung.

Relchap ding thawngpang dang; Ralkap le USDP nih 2008 phunghram a remh khotu cu kanmah kan si, Kanmah cungah aa hngat an ti tikah mizapi nih zei khuaruat loin a si tak rua tiah kan ruah i kan zumh sual hna. Cu tikah uahnak ah an hman tawn. NLD zong nih kanmah hi majority kan si caah kanmah lawng nih kan remh khawh an ti ve ciammam le mizapi nih kan zumh sual hna. An remh khawh le khawh lo cu zaapi theih a si ko. Nain mah hlanpi khan Chin Party a dirpimi tam deuh nih cun a ho hmanh nih anmah lawngin an remh kho lai lo tiah kan rak chim lengmang cang.

Zahan i Chin World debate zongah Salai Ceu Bik Thawng nih Tlangcung Parties pawl nih coalition cozah kan ser khawh lo zong le NLD nih an kan sawm lo zongah ramkomh hluttaw ah 26% kan tlin paoh cun kan kut cungah 2008 phunghram remh khawh le khawhlonak nawl a um ve tiah fiang tein a nolh chap. Phundang in kan chim ahcun Tlangcung Parties pawl nih 26% an ngah paoh cun 2008 phunghram remh a duhmi zei party paoh nih tlangcung party komh pawl an sawm hna lai tinak a si. Fiang deuh cun an herh tuk hna lai ti nak a si. Herhmi bu le miphun kan si ahcun VP2 cu chim hlah President tuannak hmanh in a sunglawi deuh ti kha hngal ko usih. Politics cu power ngeih khawh kha a biapi. Credit: Aceu Salai Sang Ceu Lian