Salai Chan Ceu Lian: A Thurhnawm Mi NLD Party Game

Chin News

A Thurhnawm Mi NLD Party Politics Game: Tutan NLD nih Minung thlennawnnak a tuahmi kongah pumpak ruahnak tawite ka rak langhter. Hi tin ka ttial ruangah NLD ttanh le dirkamh asi lo. Cu pinah Minung ttanh hlei le doh hlei zong asi lo ti kha biahmaitthi ah langhter ka duh.

Image may contain: 2 people, text

Thantlang Pyine No. 2 nih 2020 MP candidate caah Party rules ning tein June 13, 2020 ah ticket pek in fehter asi cangmi MP Pi Ni Sui Lian cu Politics thurhnawm a ngeimi minung pakhat/hnih nih amah ai-ah midang thlentthan dingin an i zuam cuahmah.

Hihi a thianghlim mi Parties politic game asi lo pinah Party thazaang der hram an thawk tu asi. Party puitling asi mi nih hi bantuk Politics game thurhnawm an i celh hi cu khuaruah har taktak asi ko. Hitin thlennawnnak a um taktak ko ahcun, Thantlang NLD Party cu Phuhnih ah a kuai lai i, Party dang Rawl serpiaktu Party ah an cang lai.

Party thazang tthawn le a thianghlim mi Party puitling si duh ahcun, fehter cangmi minung kha thlennawn awk asi lo tiah ka ruah. Lungput ttha lo a ngeimi minung pakhat ruangah Party a kuai kho i, a kuai cia mi Parties zong tampi a um cang. Cu caah, NLD nih teinak hmuh a duh taktak ko ahcun, hi bantuk a thurhnawm mi Politics Game cu aa celh lo ah a ttha. Salai Chan Ceu Lian.

Hi kongah Laimi lakah bochanmi Salai Lairamthang nih comment a pek mi:Thantlang NLD secretary Phunlian Hre nih cun a dik lomi si ti. Khua khat le khua khat irem lonak ruangah khua pakhat nih NLD CEC ah report tuahmi a um. Asinain NLD center CEC biachahnak kha fehter thiamthiam a si lai ti a si.”

Leave a Reply