Thantlang Inn Kangh Than Timi Kong Ah Fehter Mi A Um Rilo

Chin News

Thantlang Khua Inn 70 Cung A Kaang Lai Tiah Ruahdamh Chin ramkulh Thantlang khua cu November 27 zaan ah ralhrang nih an khangh than i, hi inn kang ahhin St.Nicholas Catholic Biakinn telh in, inn 70 cung cu a kaang lai tiah ruahdamh asi.

A tu tan Thantlang innkangh hi avoi 9 nak asi cang, hi chung ahhin Biakinn 4 le mizapi inn 300 leng akaang, hi akaanghnak aruang bik cu ralhrang hriam le, ralhrang nih hramhram in duahmi asi.Micheu nih nihin November 28 ah Thantlang khua akaang than tiah an chim nain The Federal Times nih adik tiah fehtermi kan ngei lo Thantlang Biakinn kaangmi hna cu Thantlang Centenary Baptist Church TCBC le Church on The Rock (COTR) Presbyterian St.Nicholas.Catholic

Thawngdang Myanmar ram ah Rohingya miphun hna miphun cihmih thahnawnnak he pehtlai in Min Aung Hlaing le ralhrang bawi rual tazacuaimi cu Argentina biaceihzung nih a cohlang cang i a rauh hlanah hlathlainak le biaceihnak kan tuah lai tiah an thanh cang.

Rohingya miphun hna thahnawnnak kongah Min Aung Hlaing le ralhrang bawi hna Argentina biaceihzung i taza kan cuai khawhmi hna hi tuanbia cahmai thar pakhat a si tiah Rohingyia Organization UK (BROUK) nih tuni ah cathanh an chuah colh.

Argentina ram Buenos Aires ah a ummi biaceihzung nih Myanmar ralhrangbu hotu Min Aung Hlaing le ralhrang bawi dang hna sualnak hna cu hlathlai i biaceih dingah Nov 26, 2021 ah a fehtermi a si.

Min Aung Hlaing le ralhrang bawi dang hna tazacuainak hi Rohingyia miphung kong tawlreltu BROUK nih November, 2019 ah khan Argentina biaceihzung ah an rak chuahpimi a si.

BROUK hotu U Tun Khin nih “Tuni hi Rohingyia miphun hna ca lawngah si loin hmunkip i namneh le sersat a tongmi mipi hna caah ruahchannak ni a si. Argentina ram biachahnak nih miphun cihmih thahnawnnak tuahtu hna caah i thuhnak hmun a um lo ti kha a langhter. Cu bantuk fihnung sualnak hna dohdalnak ah vawleipi hi fek tein a dir ko” tiah a chim.

Cu lawng si loin “Argentina biaceihnak nih hi tazacuainak a cohlanmi hi ralthatnak le tlukruannak ah lamhmuhsaktu an sinak an langhter i kaa lawm taktak. Myanmar ah kum tampi chung sersat le thah a tongmi Rohingyia miphun hna caah dinnak timi cu tawngh khawh in a um cang. Hihi Rohingyia miphun hna caah tuanvo laknak lawng si loin ralhrang nih ruru hranghrang in ukchihmi vialte hna ca zongah a si ve. Cu hna chungah cun tukum February thla in nawlngeihnak lak hnuah nunnak a liammi, hliam a tuarmi, sersat a tongmi le ahohmanh nih theih lo/hmuh loin thahnawnmi hna rammi vialte zong an i tel” tiah BROUK hotu U Tun Khin nih cun a chim fawn.

Rakhine ramkulh ah a ummi Rohingyia miphun hna cungah Myanmar ralhrangbu nih kum tampi chung sersatnak an tuah cang. Kum 2017 ah Myanmar ralhrang hna nih tualchung ah a chia bikmi thahnawnnak an tuah i Rohingyia miphun sing 8 drawing Bangladesh ah an zam. Cu lawng si loin tlaihhrem, vuak, harem le thah a tongmi tampi an um.

Argentina biaceihzung cu International Criminal Court (ICC) he pehtlaihnak ngei in ralhrangbu hotu hna tazacuaimi kong zongah ruahnak an i cheu, an i bawm tiah theih a si. Ralhrangbu cu Rohingyia miphun thahnawnnak kongah Gambia ram nih International Court of Justice (ICJ) ah taza a cuai cang. Ref: Reuter

Theihternak : The Chin Post nih kan tialmi thawngpang le ca dangdang hna hi kanmah chimh hmasa loin zalong tein lak khawh a si ko. Asinain kan thawngpang le ca dangdang a la mi hna nih Credit: The Chin Post ti te hi kan tialpiak hram u. Cheukhat cu Credit an kan pek lengmang ko nain cheukhat cu an kan pe duh bak lo. Cun cheukhat cu thawng kan laknak media Credit kan pekmi lawng an langter fawn. Rethei ngai in kan tialmi kha fawitein tangka laknak ah nan hman khawhmi cu a tha tuk ko. Credit pek tu cu kan philh ti hram

Leave a Reply