Salai Lungthli Tum: Chinram NLD candidate cazin an thanh. EC thim ning tein Pi Ni Sui Lian le Pu Sui Thio zong an i tel ko. Pu Tial Ling le Pu Zo Bawi belte an hmunh ma an thlen hna. Pu Zo Bawi hi Pyithu in aa cuh than lai, Pu Tial Ling hi Pyine in aa cuh ve lai. Pu Zo Bawi hi Hakha peng dihlak a huapmi Pyithu Hluttaw ah aa cuh lai caah a har pah lai, zuamcawhtu ah a thawng bak vemi Pu Ngun Maung le Pu Robin an si.

Relchih>>>>>2020 Myanmar ram thimnak ah Daw Aung San Suu Kyi le Presidet Win Myit zuamnak ah an tel lai: NLD Chairman a si mi Daw Aung San Suu Kyi le President 1 a si mi U Win Myit cu 2020 Myanmar ram thimnak an i zuam ve lai tiah chimphuannak nawl ngeitu President 2 Dr. Zaw Myit Maung nih July thla 22 ah a chim.

2020 Myanmar ram thimnak ah NLD Party in thimnak ah a tel ding minung hna cu July thla 23 ah thawngthanh an si. Myanmar ram ruahnak petu Daw Aung San Suu Kyi cu 2015 a rak iii zuamnak hmunhma in aa zuam tthan lai tiah theih a si. 2020 thimnak ah NLD nih tlamtling tein zuamnak ah kani tel lai tiah mipi sin ah tuanvo ngeitu nih an langhter.

Hi thimnak ah mipi nih duh mi minung deuh an thim hna caah tutan 2020 thimnak ah teinak Kan Hmu hrimhrim lai tiah an zumhnak zong an langhter. Teinak kan hmuh khawhnak lam tampi a um mi lakah Ralkap a do khotu le a teitu ding cu kanmah kan si. Teinak zong kan hmuh tthan ko lai tiah NLD Party meeting dih hnu ah chimphuannak nawl ngeitu Dr. Zaw Myit Maung nih BBC ah a chim.