Zohchuntlak Mino: Pengtlang Dang Le Sang Dang Nih An Tuah Bal Rih Lo Mi Mino Cawlcanghnak
===============================

Chin Oo Sii Mino Bu cawlcanghnak; 2020 August 1 ah Chin Oo Sii Mino Bu nih Chin Oo Sii Sang, Chin Ramkulh Cozah Zung pawngkam lam le Bogyake lamthluan cu lam kam thianhhlimnak kan ngei. Khua, Sang le veng ca ah tiin zaanghlei cawitu Chin Oo Sii Mino nan dihlak cungah lunglawmhnak tampi kan ngei. Bawipa nih thlua in chuah ko hna seh! Tuni rian kan tuannak ah minung 90 leng kan chuak kho hna. Rian dangdang ruang ah le menh lo ruang ah a chuak kho lo mi kan hawi le zong hmailei cawlcanghnak tu ah chuah khawh i zuam hna usih tiah kan sawm hna.

Atu bantuk in rian kan tuah khawh nakding ah Chin Oo Sii Sang chung um kan nule kanpa nan ruahnak siseh, nan chawva siseh, nan thazaang siseh nan chuah mi cung ah kan i lawm tuk. Mawtaw zalong tein aa kan hmantertu Siipin kan pa le cung ah le ei awk le dinawk phunphun a kan bawm chaantu nan cung zongah kan lung ai lawm tuk. Hmailei zong ah kan dirkamh rih ko u, tiah kan nawl fawn hna.

Cun, rian kan tuan khawh nakhnga a lamkip in aa kan bawmtu nan cung ah lunglawmhnak tampi kan ngei. Bawipa nih thluachuah in pe cio hna seh. Atu bantuk Chin Oo Sii Mino Bu nih pehzulh tein riantuan kan i timh ca ah, thazaang na kan pek cio naklai kan sawm chih hna. Credit: Chin Oo Sii Mino