๐— ๐˜† ๐—™๐—ฎ๐˜๐—ต๐—ฒ๐—ฟ ๐——๐—ฟ๐—ฒ๐—ฎ๐—บ: Ka pa hi kan khua Sopum in Thantlang ah kun 1967-70 tiang sianginn a rak kai.

Hmuhning

Ka pa hi kan khua Sopum in Thantlang ah kun 1967-70 tiang sianginn a rak kai.
=======================

Khuate lei in Khuapi ah harsat bute in sianginn a rak kainak tuanbia hna hi, kan caah zan ihlai tuanbia tha bik an rak si hna.

A caah kapu nih riahcaw( Facang Tun) phurh bu in, ca ancawn nak class room innka Tlang tlaih buin, โ€œSaza, No Chhum (CK No Chhum) pa ka siโ€œ ka fapa ka chawnta kho hngamaw? a van ti hrawng i, a uar pah mi khuapi nungak mitsir zohpah in a ning a rak zah tuk ning hna an rak si.

Laitlang lei i fimcawn a harning le khuate lei mino tampi cacawng ve kho loin, tuhmui hmete he lo an thlawh nakkong hna nih, ka thinlung a rak lak tuk tawn.

Ni khat khat ah kan Laitlang fimcawnnak lei ah kan ti khawh tawk thiltha pa khatkhat tuah kho ve ding in ka pa nih chunmang a rak kan neihpi i, thla kan rak cam tawn.

Pathian nih kan thlacamnak a kan leh i, Ralkap uknak tang ah kanrak umlio ( 2006 ) lio khan kan thawk i sianginn a kai kholo dingmi Hngakchia kum khat ah 800/900 tiang โ€œRuahchan nak hle ih lakโ€ minbunh in kan kan bawmh hna.

2019 Kum in ka pa sianginn a rak kainak Thantlang khua ah โ€œChinland Private Middle School โ€ zong kan van awt khawh. Tukum 2020 ah cozah nih Private High Scool ah a Van kan pawm piak than caah Pathian a min ka thangthat.

๐—›๐—ถ ๐—ฝ๐—ฟ๐—ถ๐˜ƒ๐—ฎ๐˜๐—ฒ sianginn hin chawva, phaisa tampi kan hmu lai lo, ti ruah le thei ko bute in, kan ram le kan miphun caah can zeimawzat chung bawmchantu pakhat si ve hram ko seh ti in kan tuah hi asi.

Pathian nih Director Jullythang Benjamin, headmaster Hrang Chum le cachimtu dihlak umpi hram hna sehlaw miphun le ram caah thazaang an chuahnak vialte a thluachuahnak pe ko hna seh.

๐—–๐—ต๐—ถ๐—ป๐—น๐—ฎ๐—ป๐—ฑ ๐—™๐—น๐—ผ๐˜„๐—ฒ๐—ฟ ๐—ฃ๐—ฟ๐—ถ๐˜ƒ๐—ฒ๐˜ ๐—›๐—ถ๐—ด๐—ต๐˜ ๐—ฆ๐—ฐ๐—ต๐—ผ๐—ผ๐—น ah cacawng mi vialte hlawhtling nak caah kan chungkhar le krihfabu nih Thluachuah hal in thla kan in cam piak hna.

๐—ก๐—– ๐—ง๐—ต๐—ฎ๐˜„๐—ป๐—ด ๐—ง๐—ต๐—ฎ ๐—ง๐—ต๐—ฎ๐—ป๐—ด
Co-founder and Chairmen
Chinland Flower Privet Hight School

Leave a Reply