Ca a rel mi le thawngpaang a hlathlai mi hna nih cun a tu ka tial ding mi hi nan tlaih khawh cawlh lai tiah ka zumh i sautuk si loin a tawinak tein ka van langhter ta lai i,na zumh le zumhlo tu cu nangmah nawl si te koseh.

Myanmar rampi ah hin kan theih bantuk in,Vice President 2 kan ngei i Preisdent pakhat kan ngei,mah hna cu parliment ah thim fung an thlak hna i mah i vote a hmu tambik mi paoh nih President sinak an tlaih ti cu kan ifian cio ka zumh.

Mahbantuk in vice president zong kha candidate an tuah hna i mah an tuah mi chungin vice president cu an thim hna.Hlan thil kha cu chim lo koning law,nai bik 2015 lio ah khan President caah NLD le USDP nih president ca veve an candidate hna i mah chungah NLD nih an candidate mi pa nih president sinak a tlaih,a hmasa i an thim mi pa nih a ngandamlonak ruang i president i aidinh hnu zong ah a dang kha vote thlak in an thim tha i a tu president a tlai mi pa khi a si.

2015 lio ah khan vice president nih vote a hmuh mi kha an tuak tikah Tlangcung mi mp hna sin in vote kha a hmuh bik ti a si.Cucaah a tu a rauhhlan i myanmar ram president ithimnak ah hin ,Dr.Henry Van Thio cu Preisdent candidate a si lai ti hi 75% hi zu zumh a um ngaingai ko,cun, NLD hruaitu pawl nih hin Vice President a sicang mi,a nak niam i chiah ding hi cu an duh lai lo i an pi Pisuh zong nih a duh zumh a um lo,cun,tlangcung mi mp pawl nih hin president caah NLD nih an candidate ahcun 90% nih cun an vote dih lai i,mah ti a si ahcun an mah NLD mp sin in an vote ve lai caah rampi president hmanh khi a si kho ti hi zumh khawh a si i a tu a sining kan cuanh lengmang tik ah hin NLD an leader pawl fimthiamnak le Pu henry fimthiamnak hi aithlau ngaingai fawn caah hin ruahchanhnak a santer ngaingai,a ruang cu,NLD nih Tlangcung mi party pawl kha rualrem tein cozah ser dingin a sawm hna caah hin ruahchannak sangpi a ka ngeihter chin.

Cucaah,Khrihfa thlacam hna usilaw milem a bia mi hna vote hmangin rampi president tiang hmanh a kan tlaihter kho tu Pathian kan ngei ti hi zum i kan ca i a thatnak bik in,Bawipa nih khua a khannak lai ca cio dingin kan sawm hna,mah hi keimah nih NLD an tlin i,Pu Henry a tlin than ahcun tiin cuhlan i ka rak ruah mi,ka hawi le tampi sin zongah ka rak chim chung mi bia kha a si i,ka fb an ka thah piak mi zong ah khan ka rak post cang mi a si.