A lung a fim lo mi cu kum 100 an si zongah an lung a fim hlei ti lai lo. Chinram milu ting 4.79 lawng kan si. Chin ralzam an umnak India ram khualipi New Delhi ( Janakpuri veng/Sang) khat nak in Chin state milu kan tlawm deuh. Ram pakhat a rumnak le a sifak nak tahfung amaru hrampi hi mipi nih kan pek mi ngunkhuai zong ai tel ve mi a si.

Khrifabu pakhat a thawngnak le fek tein a dir khawhnak a hrampi zong khi khrifabu chungtel nih kan pek mi cheuhra cheukhat le thawhlawm pawl an si ve . Ram pakhat a rumnak le thanchonak a maru taktak hi cozah nih (Tax) an hmuh mi ah tampi a hngatchan mi a si.

Cozah nih Chinram caah Budget a pek mi cu cozah rian tuan tu le MP pawl caah a si lo. Chinram mipi thanchonak ding caah hman dingin pek mi Budget a si. Cozah nih tha tein a tuah hnu ah Budget a pek ko nain kan sifak peng, kawlram chungah eihmur tampi dir hmun tiang kan phan rih.

USDP le NLD cu kawlrawn hrambunh party veve an si. Kawl pawl nih hin uk lawngte an kan duh nain thancho ter an kan tinh duh lo. Cu bantuk thluak a ngeih mi Party chungah kan lai mifim tampi an i tel. Chinram mipi thanchonak caah rian tuan i tinh loin an mah pumpak miak kawl duh ah rian tuan mi an tam tuk.

Kum saupi USDP le NLD party pahnih lawng nih Kawlram ah an i cawlcang caah mipi phaisa ngunkhuai hi USDP le NLD nih an ngeih mi chawva ah a ruah sual mi kan tam tuk rih. Laimi tampi zongnih USDP le NLD sin lawngah bawmnak hal kho a si rua tiin a ruah sual mi an tampi ve.

Mipi phaisa hman in Chinram uk a kan duh peng mi hna ” USDP le NLD” party hi lairam mipi nih kan i fiang cikcek hna an hau. Chinram thanchonak caah pek mi mipi phaisa hi kawl Party a si mi USDP le NLD kut ah um ti hlah seh. Chin mipi caah hman dingmi Chin mipi phaisa cu Chin Party ” CNLD” nih tawlre ve cang hna seh. Kum 2010-2020 tiang Chinram Budget hman tha tein a tawlre thiam lo mi ” USDP le NLD ” party cu ” Bye Bye” tuah cang ko hna uh.

Sifak retheih le harsatnak chungin luat na duh maw? Khualrang ngaiin thancho na duh a si ahcun ” CNLD” vote rak pek ve cang. Tutan ah caan tha hman thiam loin nai palh sual cikcek a si ahcun kum 5 chung na tuar rih ko lai. By Salai Bawi Hlei Hu