Breaking News:Ralkap nih minung pa2 mawtaw in an pah hna i an thi colh.

Hmuhning

April 29, 7:00 PM hrawng, Mon Ramkulh Chaungsone Penguk Zung pawng ah Hluttaw Palai U Linn Tin Htay nih a facebook cahmai ah a tial The hakha times. motorcycle aa cit mi khuami pahnih cu ralkap nih motor in an pah hna i an thicolh, tiah Mon Ramkulh Amyotha

Thawngdang:US um Laimi cheukhat hi khuachia bantuk, Kawl ralkap le palik bantuk nan um/si. Mittha lo taktak nan si. Ka cung i tthat lonak nan tuahmi vialte hi kan phuang dih te hna lai. Ka chim dih te lai. Ka ttial dih te lai. Kum 4 a si cang nan dai tein ka um.

Nanmah ruangah harnak tamtuk ka tong. Atu cu ngaihthiam kan tim ti hna lo. Mirang pawl sinah nan sining hi ka phuang dih lai. A herh ahcun US cozah sinah. US ah zeitin dah nan phak ning a si ti hna hi philh hlah u. Nanmah bantuk in tthat lonak tuah hi ka thiamtuk ve ko ka duh ahcun. Nan cungah tthat lonak ka tuahmi zong a um lo nan ka cungah harnak le tthat lonak a phun2 nan tuah peng rih ko.

Zeitin dah biakinn chung hna ah nan va i pumh ngam ve ka ti. Ka tuar ning bantuk tein nan tuar ve te lai. Ka sianginn kainak ah fangkhat zong nan ka bawm fawn lo. Sianginn ka kai lio i ka har tuk lio caan zongah aho chawnh hmanh ka tong bel lo. Zeidah na lawh na sianginn kai cu na har tuk maw ti zong ka tong bel lo. Sianginn ka kai lio zongah siseh ka dih hnu zongah siseh harnak le tthat lonak a phun2 ka cungah nan tuah. Mizei nan si kan theih dih ko hna. Nan tuar ve te lai Van Tum.

Ngun Cung Lian kong a tang lei’Chin Community of Indiana nih Dr. Ngun Cung Lian ca an kuat cang. Myanmar Ralkap phu ruahnak petu riansang a tlai liomi Dr. Ngun Cung Lian, Chin Community of Indiana (CCI) chungtel hna nih theihternak. US rammi sinak a ngeimi na si bantuk in le Indianapolis, IN ah khuasa mi sinak na ngeih caah, Kannih CCI nih kanmah chungtel bantuk tein kan in ruahmi na si.

Chin mi aiawhtu kan si bantuk in Kawlram uknak hramhram latu ralhrang phu ruahnak petu le an mah bawmchantu rian na tuanmi cungah hin kan duh lonak fak piin langhter kan duh. Tubantuk caan ah hin, Kawlralkap chia caah na rianttuanmi le na bawmhchanhmi nih hin Kawlram mipi caah harnak faktuk a chuahter. Na thil tuahmi hi atha lo hringhran tiah kan hmuh.

Cu lawng siloin kan chin mi le Myanmar (Kawlram mipi) mi caah miphun a leirawitu ah hmuh na si fawn. Nangmah cungah kan lung na donghnak kong le kan hna na tlak lo tuknak kong hi fiang tein theihter kan in duh. Na thiltuahmi le na sining hi cohlan awk na tha hrimhrim lo. Arannak in na ngawl dingah kan in duhpiak.

Hi ca kan tial tikah siaherhnak aa tel, ruahnak cheuhnak zong aa tel, cu caah a sawhsawh ah ruah loin a biapi mi ah na kan chiahpiak nak lai zong kan duh. Ralkap tha lo uknak hi a chiakha tukmi asi tiah kan doh cuahmah lio a si. Kan mah he doh tti maw naa thim hnga, kan mah nih dohmi si dah naa thim hnga. Nangmah nih duhthimnak nawl na ngeih bik. Chin Community of Indiana ( CCI)

Theihphu: Rampi kahdaihnak minsen a thumi Tlangcung hriamtlai phu(10) hna cu biachahnak thar an tuah mi cu lung a hmui taktak. A hlan UNFC an rak dirh mi bantuk in Tlangcung hriamtlai phu pawl i fonhnak phuthar pakhat ser ding in lungtlinnak an tuah khawh cang tiah Myanmar Now nih a tarlangh.Atu lungtlinnak an tuah mi cu တိုင်းရင်းသားလက်နက်ကိုင်တပ်ပေါင်းစု timi a si.NCA minsen a thu mi Tlangchung hriamtlai phu(10) nih cun dirh ding in lungtlinnak an tuah cang i CNA ah aa tel rih lomi Tlangcung hriamtlai phu dang pawl zong sawm hna ding in timhtuah a si lawng si loin “NCA ah aa tel rih lomi Tlangcung hriamtlai phu pawl a sawmtu ding Committe zong an dirh lawlaw fawn” tiah Myanmar Now nih cun a tarlangh.

Rampi kahdaihnak minsen a thu rih lomi hriamtlai phu pawl KIA, UWSA, SSPP, TNLA, MNDAA, AA le KNPP tibantuk pawl zong kan sawm dih hna lai tiah an biachahnak ahcun an telh chih hi asi.Cun tutan an meeting ah biacahnak puitling ngai an tuah rih mi cu “NCA minsen a thu mi Tlangcung hriamtlai phu(10) nih caan karlak Cozahthar (NUG) hi kan cohlan, CRPH siseh, NUG siseh kan cohlan lawng si loin kan dirkamh lai,Tlangcung hriamtlai kan dihlak huap in sieh, a cikpak phu cio zong in siseh, kan dirkamh lai timi cathanh an chuah hi asi.Kan hnu lei caan karlak Cozahthar nih thawngfianhnak an tuah lio zong ah “Federal Army kan ser colh ko lai.

A si nain felfai tein timhtuah a herh caah caan a rau deuh kho, cu a si lo ahcun Tlangcung hriamtlai phu dihlak fonhnak phu pakhat, dirti nak phu pakhat ser hmasa zong a hau te men lai” tiah an rak chim ve.A hlan ah Tlangcung hriamtlai phu vialte i komhnak, UNFC timi a rak um. Cucu kawl ralkap nih an rak tih taktak mi asi. Caan sau an kal ko nain, a karlak thil tete ruang ah le, a pikpak in Ralkap le Cozah nih lemsoinak a rak um mi ruang ah an rak ngol chung bal. Tutan cu caan karlak Cozahthar thinlung dirhmun, Ralkap a hram in cawih nak, thlak nak caaah timhtuah bak mi a si caah ruahchannak a ngan ngai ko. Source: Myanmar Now

Leave a Reply