Breaking News:Trump nih Biden teinak a peh duh tilo’A dih lo tibak in a diarkam cang hi.

Hmuhning

Decision Desk HQ nih 2020 US Election a teitu cu Joe Biden a si a ti hmasa i caan rau lo te ah American media nganngan nih an vun fehter cio.

Cuti a si ko bu ah Donald Trump nih la sung lo a ti. Joe Biden hi Media House pawl nih teitu a si an ti bu ah Trump nih cun Election a doh rih lo tiah aa seh chih.

“Thimnak a dih rih lo. Saupi aa duh rih, le president Trump nih nangmah thengte kha i tel ding ah an herh,” tiah Twitter ah a ttial i Biden tazacuai ding ah a herhmi phaisa tampi i thawh ding ah a forhfial hna.

Ramkip hruaitu tampi nih Joe Biden cu lawmhpinak Social Media ah an rak tial cio cang. Thimnak a dih rih lo a ti nain, zarhte kha Golf a tu.Teirial catial tu

Reclhap mo na rel rilo cun:Ngaih bel kan hun in ngai lai, ‘disinfection din le virus’ thah kong na biasu chuahpi nih khan ‘thi deng in a rak kan nihter bal’ lio bantuk kha kan hun ngai lai.

Fapa tuah sual bang na chim putput, US President phundang ngai cu na si hrimhrim ko, ‘na ral a ttha’ ti ding maw ‘na ruam a kai’ ti ding dah lung kai thlek thiam bal lo hi.

Minunnem deuh hruaitu thar nih an chawn cang lai, cucu a fim cangmi mibu a hruai kho ci quality a si ti ning law ka palh lai ka zum lo. Na sungh cu, ralzam caah innka na kan onpiak, ramchung cacawnnak fund a ttummi le awklokchong in sianghngakchia a tuahtu caah Pathian khuakhan a si lai, Halelui-ah! Amen!

Khrih cu mitoidor le minunnem a si. Nunnem cu, Khrih nun he aa hlat lai lo. Philh awk na tthat lonak pakhatte bel chim ka duh. Cucu a derthawm bikmi minung phun pawchung naute tampi a thi ding an luat ti bel kha ka tuah ning a dik ahcun, kan uarnak pakhat a si.Salai Chan Khar Mangtha kun law, President Donald.

Na rel rilo cun relchap ko:US thimnak hnu bik thawng By Salai C Alexander: President thimtu ding minung 270 caah Biden nih 264, Trump nih 214 ti tiang kha media sin in a donghnak bik theihmi a si. Biden caah 264 timi khi a dik lo kho men, cucaah Fox News nih “mah bantuk in projection nan tuahmi khi hloh uh” tiah Trump campaign nih an fial hna.

Nain, Trump hruh ṭanh le molh ṭanh in a ṭanh tawntu Fox nih an duh lo. Kan leet kho lo, aa palh ti lai lo, tiah an leh hna. Trump te phu nihcun Michigan ah mithi ciami nih thimfung an thlak, Wisconsin ah Trump a petu thimfung 100 renglo hnawmpung ah an hlonh tbk in Biden te phu cu a phunphun sual an phawt hna.

Nain, cucu BBC nih fact checks a tuahpiak dih cang hna. Lih le ṭawncop an rak si. Biden caah elector vote 6 lawng umnak Nevada a lak ahcun a dih. Trump caah cun, atu i an rel rih lomi thimfung vialte a dihlak in a lak khawh lawngah President si kho ding khi si.

An von rel ciammam. Atu Georgia hmanhah, Biden nih a hruai cang. Pennsylvania an dirhmun khi, kei, media ka rak banh tawk ah ka thei tuk hna lo. North Carolina kha Biden nih a rak huum ngai ti tiang ka rak theih. Cucaah, South Carolina in Franklin Graham nih NC lei cu Trump caah mipi a va hrihhawh hna ti tiang kha ka rak dawi khawhmi si. NC hmanh khi Biden caah ruahmi a rak si tinak mu.

Nain, tu cu, Trump te phu cu biaceihzung ah tazacuainak ca an va chia cang. Tazacuai ding bakin ready in an um. Amah Trump Facebook hrim ahcun, amah nak mihrut deuh lawngte nih forhnak le, uico sehter timh phun in an faknak lawngte khi hmuh a si.US ram politics umtuning khi, tuan zong ah, Reps pawl cu an ṭhawng, an pical. Republican uar an rak um bak, Kawlram kong hrim zong ah.

Nain, Trump bantuk minung chan a von phanh tikah, khi pi nih Republican a rak aiawh bal vemi tu khi cu tuanbia ah an ichiatchuah thainak a si sual te khomi si.Ka hawikom tampi nih Trump uarmi nan tampi lai. Phundang ah ruat hlah uh. A ti lo tukmi khi cu a ti lo tuk ko ti ko uh, Khrihfa ka si ai ti i ai puum bal taktak maw, hodah a hngal?
Abortion, Anti-abortion, same sex marriage, khikhi Khrihfa nihcun cozah hruaitu rian ah chiah awk si lo. Pastor pawl rian a si.

Pastor nih an rian an ihngalh ahcun, Trump bantuk ramkhel hlawknak duh ah biaknak hriamnam hmang riangmang in kan zumhnak a thurhnawmtertu minung khi va ṭanh a herh lo zia kan ifiang ko lai

Leave a Reply