Breaking News:Van Hlei Sung nih ramdang kal kong a phuan dih cang hi.

Hmuhning

Mi ramdang ah rian a ttuan mi nih mirang holh in an ttial i keimah nih ka leh bia ka chap mi.Mi tampi kan Laimi – kan nu le kan pa le, u le nih an riantuannak ah an tonmi harnak Ramdang Kan Sining Nunning Aho nih dah ramdang i tthial thawngin rum asi, saan asi an ti bal? Mah vialte kha lih asi.

Ramdang kal a sullam cu, nehsawh,namneh, hro le soisel ton khi asi. Ramdang kal ti a sullam cu zingkaa tuan tein thawh le zaan tlaipi ih khi asi achel cun mi theih lo kar ah thli tein ttah khi asi. Har lengmang in tangka hmuh mi zong hman khawh loin save hauh peng. Celh lo tuk buin nifatin lung tthawnnak i pek – ahar tuk zongah pah chih thluahmah.

Tangka $100 100kyats 150kyats hmuh khi zeitluk in dah ahar ti nan thei loh.Inn phaak hnu kan ke, kan keng le kan baan fahtuk buin ihkhun hei panh peng Vawlei nun temh har i ngaichiatuk caan ah nu le pa kuh ding hei hlam – mi tampi an nu le pa he an um lo tik ah kuh ding zong ngeih lo.Chantling te lawng kuh ding hei ngeih. Hi vialte leng ah ahlei in harnak kan tonmi atamtuk rih.

Mah caah cun, nan inn chungkhar simi nih,$10 an kuat zongah i lawm. Faak piin thlacam piak. Mah $10 te hmuhnak ah khan zei harnak dah a ton ti na thei loh.Tuni ah hal kan duh mi cu, ramdang a um mi na miphun, unau le hawikom vialte caah thlacam dingin kan sawm Nih sawh hrim hna hlah Pathian lawng nih an temh tuarnak a theih.

Thawngdang India ram ah Covid-19 second wave a karh ruangah Kawlram le India kar chanchuahnak vanlawng cu caan karlak chung dihter a si hnuah August 15 in a zuang than cang lai tiah theih a si.

Covid ruangah India ah a taap mi Kawlram mi hna phor dingin August 15 ah Myanmar National Airline (MNA) chanchuahnak vanlawng cu covid-19 zawtnak zulhphung ning tein New Delhi in Yangon ah a zuang lai tiah New Delhi, Myanmar embassy nih August 12 ah a thanh.

New Delhi, Kawlram pehtlaihnak zung nih a thanhnak ah Kawlram ah kir a duh mi, min pe cia Kawlram minung 49 an um.Mah vanlawng he kal a duh mi hna cu Yangon, MNA zungpi ah pehtlaih khawh a si tiah a langhter.

Chanchuahnak vanlawng he a kal dingmi hna cu an i thawh hlan suimilam 72 chungah covid zawtnak ka ngei lo ti fiahternak RT_PCR negative result report he airport ah a um mi ngandamnak lei riantuantu hna sin ah report ding a si.

An i thawh hlan suimilam 3 le cheu a du ah airport phanh ding a si i, Face mask le PPE hna cu mah tein i cawk cio ding a si lai tiah New Delhi, Myanmar embassy nih a thanh the chin post.

Leave a Reply