Breaking:Hmungzua ah mipi le ralkap kah dohnak faktuk a chuak’Mipi zong an ti tamtuk hliam an tuar.

Hmuhning

Hmungzua Ziakyi-Kalaywah Lam Cungah Rallokap Le Khuami An I Kap Kaaphnih Hliamtuar Le Nunnak Liam An Um’Sagian ramthen Minkin peng,Tawngdwinchawng,Hmungzua Ziakyi Kalaywah lam,Sithlinchawng khua pawng ah April 17 nizan zanlei ah Rallokap le khuami kaphnih i kahnak a chuak a thi mi le hliam tuar an um.

Minkin peng Sithlinchawng i khuami pakhat nih a chimnak ah ” Palek le rallokap nih kan khua mi Ko Aung Bah cu meithal pahnih he an tlaih,a hnu ah Ko So Wiam inn an luh hnawh i an kawl hlai meithal pakhat an lak, minung bel an tlai hna lo, mah ahcun Palek le rallokap nih lam cungin an kan kah” tiah a chim.

Mah i kahnak he pehtlai in VOM nih tu zingah a langhter ning ah a thimi le hliamtuar mi cazin ah ralhrang lei in Duh-Ye Oh Tu Yeh Kyaw meithal kuan nih a hliam, Ye-Duh-Tat-Ciat Nan Thait Tu hliam a tuar,Ye-Tat-Ta So Luat hliam a tuar,Ye-Tat-Ta Mu Min Nai a lu ah kuan fang nih a khen i a thi.

Cu hlei ah mah i kahnak ah Tat-Ta Myo Ko Lun meithal nih a khen i a thi Tat-Ciat Aung Zaw Win hliam tuar.Mah i kahnak a cannak hmun i Kani peng Chawngmace khua Ko Aung Zaw Oo hliam a tuar hlei ah an tlaih, min theih lo mi ruak pakhat rallokap nih an i kal pi.Kani peng Lapuh khua nih an chimnak ah mah i kahnak ah khuami mimung panga nak tlawnlo an nunnak a liam pasarih hliam an tuar tiah VOM ah a chim the chin post.

Thawngdang a tang lei:Nizan ah CRPH nih National Unity Government NUG tiah Kawl ralkap cozah SAC ralkah cozah စင်ပြိုင် အစိုးရ an hun dirh.Cu ralkah cozah dirhmi ahcun President telh in ministers 15 in dirh a hunsi. Mi tampi nih lawmhnak le conglomhnak he dawn asi. Kannih Chin mi zongnih hi minister 15 ah savo 2 an kan pek caah kan i lawm cio.cheukhat nih President le State counselor Daw Suh kha an hmun ţhingah an chiahţhan hna caah 2008 Phunghram in an kalpi, cucahcun hi NUG rianţuan hi 2008 Phunghram nunter bantuk asi a timi zong um asi. Hi chung ahhin ka hmuhning ka langhter ve lai.

Post biapi bik ah aa telmi No. 6nak home affair minister, 7nak Defence Minister, No.9nak planing finance investment minister, No. 10nak humanitarian tibantuk khi anmah Kawl nih an tlaih i VP tehna, Foreign tehna a um ballo mi Federal affair tehna International corporation tehna an kan pek mi zoh tikah Savo lian pipi kan phot ti ţung i a khupruh heiphot le hmaphek thak taktak mi meh hei pek ko khi a lo. Cucahcun tutan Kawl savo phot khi an chim phungthluk Nuei(stepmother) mi dawt he aa lo kati.

President+ State Counselor + Defence + Finance tiah tlaihkhip than i an duhmi paoh tuahter, an ngamh lo deuhmi ramleng pehtlaihnak ah soirawl tarh in hei tar le a tlumalnak vialte i huidih ţhan khi ka lawhter.Cucahcun khatlei in ruahchannak niceu a tlang canglai tiah i ruahchan le i lawmh lioah khatlei in mahkel sinak lam a panh mi ko ka lawhter caah kaa lawm rhlu kho hrim lo catial tu chin morning star news.

Relchap duh mi hna caah:Tlangcungmi hriamtlai hna he ceihmainak ngeih lio a si ko nain Myanmar mipi runvennak ca ah ralkap bu dirh ding in timhtuahnak kan ngei, tiah caankarlak Myanmar cozah “National Unity Government” NUG nih nihin April 16 ah an tuahmi Press Conference ah an langhter.

NUG runvennak vuanci U Yi Mon nih, “Mipi runvengtu ralkap bu ah Federal Democracy a dirpitu mino pawl an i tel lai.Tlangcungmi hriamtlai hna he ttang tti in mipi runvennak an tuah lai. Federal Army timi ralkap bu a chuah hlah ah Federal Alliance timi bu zong a chuak hmasa kho,” tiah a chim.

Federal Army dirh kho ding in ramkhel lei hnatlak kong pawl tlangcungmi hriamtlai hna he kan i ceih lio a si. Atu kan ser dingmi mipi runvengtu ralkap bu zong hi Federal Army tang ah a um dingmi ralkap bu pakhat a si ko,” tiah a chim chap.

Nihin April 16 ah CRPH nih caan karlak Myanmar cozah NUG an dirhnak kong thawng an thanh hnu suimilam tlawmpal ah Press Conference an tuah colh i, mipi runvengtu ralkap bu dirhnak kong zong U Yi Mon nih a hun langhter hi a si.

Nihin ah caan karlak Myanmar cozah thar tlamtling tein an dirh khawh caah Yangon ah cun zaan hnu ah mizapi nih minute 3 chung zapei benghnak an ngei hna.

Leave a Reply