Chin palik:Inn hlei 18 nih Hakha an zamtak’CDM ah an lut dih cang thawngpang tha cang.

Hmuhning

Breaking News- Mara palek dihlak Hakha ah an um ti lo. An rian in an nih phuah dih. CDM lei an dirkam ve cang’Mara palek hi inn 18 an si. An dihlak in palek an chuahtak dih

Relchap khawh si:Ralkap kan dohnak kong ah kan thazaang a htawnnak he kan thazaang a dernak he langhter ti hi a biapi. Kan thazaang dernak kan alnghter tik ah thachiatnak ah hman lo in thazaang laknak ah hman thiam a herh ngai.

Kan chim lengmang bantuk in kawlram mipi nih kan duhning in UN tlangtlaknak hi a kal kho lo lai. UN nih rian a tuan lai lo tinak si loin a caan a rau deuh lai tinak mu.Atu hi March thlathawh ka zarh a si, April, May tiang hi caan tha kan ngeih mi a si. Khi pin lei cu furpi nih aa kan tlak phuat cang lai, ruahti, thlichia nih kan programe le khuacaan tampi a dawnh cang lai.

Minung khuasak nak lei in cun Fur caan hi ei har lio caan a si.Hi nikhua le caan kan phak hlan ah teinak kan hmuh lo ahcun ralkap dohnak hi a hram a fek kho lo te sual lai phan a um ngai te. Cu lawng si loin Laimi cu lotuah in paw aa cawm mi kan si caah pawcawmnak caah lorian ah kan can tampi a kal cang lai.

Cucaah Nihin ni tiang CRPH riantuan ning hi hma kal lo ngai. Ralkap lak riantuan cu a fawi hrimhrim lo ti cu hngalh piak cia asi ko. Cucaah nihin ram mipi kan thazaang a dih hlan le furpi khaucaan chung kan luh hlan ah CRPH nih teinak lam a kawl zokzok a herh.

CRPH hi Tlangcung hriamtlai hna he riantuan ti ding in forh lengmang ko hna usih. Cun Tlangcung Hriamltai hna zong nih thazaang an chuah rih lonak hi an mawh ve lo.CRPH nih a fek mi Federal cozah sernak biakam fek a ngeih lawng ah hriamtlai hna hi biatak in an cawl lai ka zumh. Zeicatiah Tlangcung hriamtlai hna cu hriamnam tha taktak le tampi an ngeih lo caah le an ngeih mi hriamnam hi man lo huaha caah hman an duh lai lo.A sinain Federal uknak ser ding bak biahren fek a um ahcun an hriamnam an hman hrimhrim lai ka zumh.

Cun CDM aa tel lomi hna hi mipi nih a herh ning in kan dum ve colh hna a herh.CDM tuah lomi vuanthan vialte CDM an luh lo zong ah riantuan kho loin mipi nih kan tuah hna a herh.Cucaah Furtlak hlan hrimhrim le minpi thazaang a thawn lio ah teinak kan hmuh a herh.Cucaah ramchung ramleeng kan pa le hna nih CRPH hi ruahnak kan pek piak uh, CRPH zong ralkap ruang ah online in rian an tuan caah hma a kal lo ngai.

“Biakamnak fek taktak I pek ahcun hmun khat ah riantuan ti a har lo” cucaah Tlangcung miphun hriamtlai hna an duh mi zauk phung ser khawhnak ding biakam fek pek khawh ahcun Hriamtlai hna hi hmai an sa ko lai.Hihi CRPH nih a hngalh fian a herh.Ro Ling Thang

Leave a Reply