Congratulations; Pathian thawng in Kawlram ah tuanbia thar a tial lengmangtu Chin mi

Hmuhning

Pathian thawng in Kawlram ah tuanbia thar a tial lengmangtu Chin mi. Inn 30 lawng a um mi khua, Electrict zong a nei rih lo mi khua, A hmet lio tein a pa nih a thih tak mi (rul nih a cuk nak in). A nu nih nikhat 1500 hlawh in a rak cawm mi, Salai Bo Htaw nih Kawlram pumpi ဝိဇ္ဇာတွဲ hmak tambik 520 in Kawlram pi ah Chin mi nih tuanbia thar a tial khawh. Chin Christian Alliance  nih an tuah piak mi conglawmhnak program ah biachimnak le miroling chin pasal tha kut ka va tlaih khawh ve. 20 August 2020. A tanglei thawngpang dang zong relchap khawh a si.

Ka pa hi kan khua Sopum in Thantlang ah kum 1967-70 tiang sianginn a rak kai. Khuate lei in Khuapi ah harsat bu tein sianginn a rak kainak tuanbia hna hi, kan caah zan ihlai tuanbia tha bik an rak si hna. A caah kapu nih riahcaw (Facang Tun) phurh buin, ca an cawnnak class room innka Tlang tlaih buin, “Saza, No Chhum (CK No Chhum) pa ka si“ ka fapa ka chawn ta kho hnga maw? a van ti hrawng i, a uar pah mi khuapi nungak mitsir zoh pah in a ning a rak zak tuk tawn nak kong hna an rak si. Laitlang lei i fimcawn a harning le khuate lei mino tampi cacawng ve kho loin, lai tuhmui he lo an rak thlawhnak kong hna nih, ka thinlung a rak lak tuk tawn. Ni khat khat ah kan Laitlang fimcawnnak lei ah kan ti khawh tawk thiltha pa khatkhat tuah kho ve ding in ka pa nih chunmang a rak kan neihpi i, thla kan rak cam tawn. Pathian nih kan thlacamnak a kan leh i, Ralkap uknak tang ah kan rak umlio (2006) khan kan thawk i sianginn a kai kholo dingmi Hngakchia kum khat ah 800/900 tiang “Ruahchan nak hleihlak” minbunh in kan kan bawmh hna. 2019 Kum in ka pa sianginn a rak kainak Thantlang khua ah “Chinland Private Middle School ” zong kan van awt khawh. Tukum 2020 ah cozah nih Private High Scool ah a Van kan pawm piak than caah Pathian a min ka thangthat. Hi private sianginn hin chawva, phaisa tampi kan hmu lai lo, ti ruah le thei ko bu tein, kan ram le kan miphun caah, caan zeimawzat chung bawmchantu pakhat si ve hram ko seh ti in kan tuah hi asi. Pathian nih Director Jullythang Benjamin, headmaster Hrang Chum le cachimtu dihlak umpi hram hna sehlaw miphun le ram caah thazaang an chuahnak vialte cungah thluachuahnak pe ko hna seh. Chinland Flower Private Hight School ah cacawng mi vialte hlawhtling nak caah kan chungkhar le Believers Church krihfabu nih Thluachuah hal in thla kan in cam piak hna. Credit: Rev. NC Thawng Tha Thang

Leave a Reply