Dr Hmuh Thang Nih 2008 Phunghram Hi A Pom Dih Nan Ti Maw?
==========================

2020 Kawlram Election pi cu Thlakhat fai Te Ceo lawng a taan cang caah,Micheu nih thutden hmuh va duhnak men in kan pale cheukhat hna lih le hrokhrawl in heh tiah a phunphun in kan puh hna hi cu a poi deuh ngai,a caan lio ah chim ve lo ahcun Zaaraan nih zumh thai sual zong a fawi te. Dr Hmuh Thang hi 1993 in 2007 tiang Kum 14 chung 2008 Phunghram tuahnak ah Thantlang in aa tel ve. 2008 Phunghram hi Chinmi Hohmanh kan ii tel lo zongah an tuah thiam Ding a si.

Dr Hmuh Thang hi Vulei cung Democracy le Federal in aa hruai mi hna ram le an Phunghram, an Uknak an kalning hi tampi a thei hngal vemi le a fiang vemi a si ti zong kan ruah piak chih khawh ahcun a tha tuk fawn hnga. Dr Hmuh Thang cu Kum 14 chung an Ceihhmainak ah a pumpak hrimhrim in aa tel ve caah,aa tel lomi Zaaraan nakin 2008 Phunghram kong hi a let in a hngal deuh lai ti hi kan fian ngai awk a si. A chim theomi cu 2008 Phunghram hi kan duhmi a um bantuk in kan Duh lomi zong a tampi ve tiah a ti theo.

Phunghram Kum 14 tuahnak ii aa tel chung ahhin,MI Chan a si caah voi tampi tlerh le hro a tong I,thongtlak ding dirhmun in an hro Cer hi a tlawm lo,cucu raltha tein kan Miphun dirkamhnak Bia a chim ruang ah a si. A Caan Lio A Si Caah Biapeh Par In Ral Lio KhuuVai Kong hei Chim Ahcun. Dr Hmuh Thang hi Zeibantuk Lungput dah a ngeih ti ahcun! Dohthlennak tuah lio caan ah CNF/A zong nih voi tampi a Inn ah an rak luh hnawh ii,an herhmi Thil cawk piak dingin CNA Bawi a rak simi hna nih Deadline tiang an tuk piak ii an hro mi lakah aa tel ve,kha lio ah Kawl MI lei he CNA lei he umtu nak hngal loin a rak um caan hi a tlawm ve lo dahkaw.

Asinain,CNA cu kan Miphun le ram caah Nunnak thap in riantuan mi an si ti le Dohthlennak tuah lio khuuvai a si ti a fian tuk caah an chiatnak zong a chim lo I a soisel fawn hna lo,2013 ii Cozah he Daihnak tuah dingin an rak tlun tikah aa Lawm tuk ii Thantlang in a don hna,Minung tampi cu Dohthlennak tuah lio khuuvai ti hmanh ruat Duh loin CNF nih Hlan lio ah kan u,kan nau,kan chungkhat an rak hro bal hna ti ruang hmanh ah Nihin tiang CNF a hua mi kan tam ngai rih hih. Credit: Z Tial Thawng