Dr. Sasa Hi NLD Party Nih Minister of Foreign Affairs Pek An Duh Caah A Si Hnga Maw?

Hmuhning

NLD nih Dr. Sasa cu kawlram ah tluang tein Developement a tuah khawhnak hnga bia dawh dawh, bia tha tha in an lem. NLD nih an upat an ttihzah cucu Dr. Sasa a fimnak le a thiamnak asi lem lo. World Bank pi an zoh caah a si ko. NLD nih World Bank ah fawite in tangka cawi khawhnak lam an kawl lio asi. Dr. Sasa cu Chinmi nih kan i bochanmi asi an thei tikah atu ah Chinram ah mee (vote) hmuhnak ding meithalkuan pakhat ah an hman than. Dr. Sasa nih NLD aiawh in Chinram ah mee (vote) kawl ah a rat tikah hin NLD kha ai thleng tinak asi hlei lo. Adang NLD asi hlei lo. 2015 thimnak lio i kan rak zumh tuk arak kan hlengtu NLD thiamthiam kha si ko. “Dr. Sasa kan zumh ruangah NLD zong zumh tlak an si ko,” timi ruahnak cu ate nau tukmi ruahnak a si. NLD mee (vote) pek lo ruangah Dr. Sasa Chinmi sinak in achuak hlei lai lo. Chinram thanchonak caah atuah timhmi cu a tuah thiamthiam ko lai. “NLD mee (vote) pek lo ruangah Chinram caah zei hmanh ka tuah ti lai lo,” ati sual asi si le? Pathian nih midang afial than te ko hna lai. Credit: James Park

Dr. Sa Sa hi election caah campaign tuahtu a si ahcun a fiang bakmi cu Mara ram vialte, Thlanglei Laitlang vialte cu NLD mee kuang chung ah luhdih a si ko cang. Dr. Sa Sa zong Chin pyine NLD party election campaign tuahtu i van thim a si ko ah cun NLD caah teinak lam tampi aa ong tinak a si. Tukum zong ah Kawl ram lawng siloin Chin state zong ah NLD nih Khrihfa hlabu chung ah kan sak lengmangmi “Lawmhnak thlam ka lung chung ah a um” timi hla cu an sak tthan lai a fiang ko. Chin state NLD Election Campaign tuahtu chungtel hna cu Salai Isaac Khen ( hruaitu) a si i midang paohpaoh hi chungtel an si hna. Pu Bu Phui, Pu Ma Na Thang, Pu Thang Bu, Pu Siang Zel, Salai Jacob Thang, Salai That Naing, Pu Suan Za Nang, Pu Lian Lam Man, Dr. Sa Sa an si hna. Kawlram chung daihnak le phunghram remhnak caah Chin mipi nih NLD cu dirkamh rihko hna u sih.

Leave a Reply