Kawl nih Chin Miphun nautat mi kan si ruang ah lungfak awk athei lo mi hna nih cun NATIONALISM na ngei kho lai lo.

Hmuhning

Kawl nih Chin Miphun nautat mi kan si ruang ah lungfak awk athei lo mi hna nih cun NATIONALISM na ngei kho lai lo.
Kan vok le kan ar athih hmanh ah lungfak. Mi nih an kan soi hmanh ah kan thin hung. Fangkhat sungh ding hmanh ah thisen luan atih lo mi miphun kan si. Kawl nih tlangcung mi an kan nautat ning tuanbia hi tha ten na zingzawi bal maw? aruah tah nan ruat bal maw? Lungfah ding maw chim awk na ngeih? Lawmhnak dah chim ding dah na ngeih?

Ralkap nih 1988 in kawlram an uk USDP chan ah Chin ram ah zeitluk in dah arawh i Kawlram sifak bik ram ah acaan hi ruat rih. Khrihfa biaknak vailam tung an hrawh ah hacang rial in lungfah mi nan thin adam cang maw? 2015 in NLD nih cozah aser. Van ram nuam aphan lai bang ruahchan nak in NLD vote kan pek. Suh Kyi nih Chin miphun caah thil tha tampi akan tuah piak lai tiah kan ruah. NLD ah Lai MP zong laimi an si ve ko le Lai Miphun kan caah nuhrin covo , kan biaknak le kan nunphung an tthan cho ter cang lai tiah kan i ruah chan. Van le vawlei bang kan ruahchan nak he cun aa hla tuk .

Hakha Pupa ram sifak inn le lo hrawh in phaisa akawl mi an si. NLD center Nayphidaw nih facang ei ding cu chim lo , ek ei uh law nan khim lo ahcun kan hal than te ko ne uh tiah ek ei nak nawl lawng an pek mi hna an si. Pu Henry Van Thio cu kawl Ral kap tuan bal asi ruang ah Min Aung Hlaing le Suh Kyi nih Vice president ah tlangcungmi ilawm ve hna seh tiah ah an thim. Sio rawl tarh bantuk NLD ruahnak cu Water comeback Tikir pawl nih dawt tuk ah an ruah le an ilawm. Henry Van Thio cu ralkap asi caah ralkap thluak angei ti philh hlah uh. Kawl Ralkap rak si hlah seh law nan khua tikir ah lo va thlo an ti salam ding asi. Henry Van Thio neh sawh in ka chim silo Kawl thluak ka chim mi si.

Kum 5 NLD riantuan nak nih kawlram mipi lung a dong ter. Tlang cung mi chim lo an mah kawl mi lila hmanh an lungfak caah a um bal lo mi Kawl Party thar an chuak. Culak ahcun 1988 lio ah Suh Kyi caah Hero pakhat Min Ko Naing zong NLD in achuah Party dang adirh. Suh Kyi caah thih ngamh in a au mi vial te nih Suh Kyi an zaam tak ko Aruang aum. Ral Kap Bawi zik Min Aung Hlaing he an ni uar caah si. Nan fiang ko la dah. Kawl mipi nih USDP ralkap hmanh an tha deuh an ti cang.

Kawl nih Chin miphun an kan nautat mi hi na lung afak kho rih lo maw? Na lungfah lo chung poah Chin Miphun ttanhnak NATIONALISM na thei kho lailo. Ar nu bang kawl sin ah na zuar lengmang te ko lai. Ceng ngia tu phaw hruk bang Laithuam he Kawl sin ah na fonh leng mang ko lai. Chin na si caah Chin Party vote pek itim. Laknak: ‎Lai Phunttanh‎

Leave a Reply