Kha Court ah:Taza cuainak an tuah taktak cang hna hi.

Hmuhning

Pine (18) nih Georgia, Michigan, Pennsylvania le Wisconsin cu US Supreme Court ah taza an cuai cang. Texas hruainak in Alabama, Arkansas, Florida, Indiana, Kansas, Louisiana, Mississippi, Missouri, Montana, Nebraska, North Dakota, Oklahoma, South Carolina, South Dakota, Tennessee, Utah, le West Virginia nih aa thuimi pine (4) kha taza an cuai. Arizona nih cun a dang tein tazacuainak file a tuah.

Hi aa thuimi pine (4) ah hin pine phungsertu pawl siloin bawi pawl nih phung an remh ti in taza an cuai hna. Supreme Court nih aa thuimi pine (4) kha kilvennak ca a ttialter hna i cucu Nilini zanlei sml. 3:00 hlan ah nan up lai tiah a ti hna. Supreme Court nih hi bia hi a ceih ahcun sihne thiamsang Ted Cruz nih Trump aiawh in bia a chim te lai. Supreme Court nih an bia a ceih hna i Trump lei nih teinak an hmuh ahcun:

(1) Electoral College hna i an vote kha a fehter hna lai lo.
You sent Today at 07:09
(2) Mee torlecheng cu aa ningcang lomi a si a ti lai
You sent Today at 07:09
(3) pine (4) kha mee a fonhter tthan hna lai i a upter tthan hna lai. US phunghram 3 U.S.C. § 7 ah cun December 14 ah electoral college vialte nih mee thlak ding a si. Sihmanhsehlaw thimnak ah aa ningcang lomi a um ahcun US phunghram 3 U.S.C. §§ 5, 7 hmang in US Supreme Court nih a ni a thawn khawh ti a si. Ref: Rev. Biak Lian Vel & Cherhchanmi: 12/10/2020 10:49:43 AM CBN News.

Relchap ko”Biden nih a Secretary of Defense caah hlan lio US ralkap General hlun Lloyd Austin a thim. Tutan Biden nih a cabinet minung a thimmi pawl zoh tikah lung a hmui i hna a ngam. Aruang cu US cu ahohmanh thleidannak um lo tein covo a pe mi le covo ngeihnak ram asi zia a vun lang than. America a lianngannak le a thawnnak cu thleidannak um lo tein, Judahmi, Minak, Asia mi, Vunraang le Latino ti um lo tein an thiamnak cio ning in covo a pek tikah vawleicung nih a tluk khawh lo nak asi. Laimi zong hi, Falam, Tedim le Hakha timi um hlah sehlaw, cun pengtlang le tang cuzah theng, timi pawl thinlung put zong hi kan thlau viar ve i an thiam ning hawih in covo kan pek ve hna ahcun kan thangcho tuk ve ko hnga lo maw?

Relchap ko:Trump cu thil dik a tanhmi pa a si. Cucu ahramthok ka ah cun media nih Joe Biden an tanh nain a tu cu tehte tha taktak tamtuk a ngeih cang caah media zong nih an dirpi ve cang long silo in mithiamsang le thil a hngalmi nih cun Trump an dir kamh cang. Abik in khrihfa tha nih kan dirkamh long silo in a caah thlacam an dai lo. Cu lakah Democratic a tanhmi an tampi ve . Kan mit in kan hmuh te lai. Kan hmaika ah ai hun te lai. Cu tikah Pathian lianngan sunparnak cu kan hmuh te lai.

Hmaizarh zarhte ni ah Washington, D.C ah Trump dirkamhtu dihlak tawnnak an ngei lai. An Ropui tuk cang lai. Millions Millions kan i tawn hna lai an ti cang. Cucu nihin ah an chim. USA ramah tuanbia zong a um bal lomi kan tial cang lai an ti.

Republican party cu mipi caah a dir ngammi le zohchunawktlak kan si lai. Adikmi lam ah kan kal lai. Nan umnak cio in rak ra cio u an ti. Democratic party nih kanmah long kan hrawkhrawl lo, R pawl zong an hrawkhrawl ve ko an ti cucu kan duhbak lo an ti. Anmah bantu party kan si lo an ti. firhmang Pathian atih lomi le, vote fiar ahmangmi kan si lo.

Kanmah cu USA dihlak ai rual dih in a kan Covo kan ngei dih. Khrihfa biaknak nih USA a sermi ram a si an ti. Dinfelnak kan duh, Pathian abiami ram kan si. Phaisa kan ngeilo nain kan kal cio ko lai an ti. Rightside news ah. Fox news nih live an thlah lioah minung thong 36 nih an zoh lioah, Rihtsidenews cu tong 250 nih an zoh. CNN le a dang news pawl cu a zohtu an tlawm tuk cang.

Thawngpang dang asi a tang hi:Doll cuh balmi nih zawkor (Joker) le Rang cu theih ngai asi. Zei a rak chuah zong ah zawkor nih a tei, si lo le Rang nih a tei. A (Akah) zong, K zong Rang 1 nih a tei. Nain zawkor cu 1 lawng si tawn i Rang zong hi tampi ngeih awk tha tawn lo tik ah, sungh ah cun sungh asi ko, Doll 1 hrawnghrang cu hmuh phawt i sungh si ko ne.

Trump nih zawkor ah ai hmanmi cu elekson a dik lo, vote nan fir tiin taza cuai asi. Apoinak cu a pelte zong a tei ikpak lo. Vote firnak zong an ruahdamh a rak si ai. Zei fir le lih chimtlak nihin tiang ah an hmu lo. A lei ttang an um ti lo ti a lang. A dik lomi hmanh rak um seh law, cucu remhthan le doh ding ah thazang a nei ti lo, taza a cuai deuh deuh, a mual pho deuh deuh, Biden a tei deuh deuh tiin asi lehlam ding khi asi cang. A Zawkor pi cu cabuai ah thlak! tiah thang nawn in a tengh nain, a comi cu doll si lo in, thathnem lo asi pin ah pamchin a tong lehlam.

Rang in a hman khawh dingmi hna cu Electoral college vote asi. Electoral college hi 538 an um i, mah hna nih hin mipi duhnak si lo in an mah nawl bak in President hi vote khawh asi. December 14 2020 ni ah hin Electoral College nih vote an thlak te lai. Mi pi tam deuh nih Biden an thim caah cu mipi tampi aiawhtu EC nih Biden an thim ve lai tihi logical dependency ti asi. Nain, Trump nih hin 538 ah 270 hi phaisa bak in $$$(illegal) le politics in a tlawmh khawh sual hna ah cun, teinak an pek khawh rih. Mah hi te nih hin samfang tia in ai bah. Trump i a zawkor pi cu eibar a chuak ti lo. A Rang cu a hman khawh rih. Nain, The New York Times i analyst hna nih an tialnak ah cun US tuan bia ah cu bantuk cu a um bal lomi asi, legally asi kho lai lo tiah an tial. Nain, mah hi possibilities a um i US constitution nih a thlauh lomi asi.

President-elect Joe Biden cu, a dang president hna tuah cio bang in President tuanvo lak dingin tinh tuahnak tampi a ngei ve. Mah hi President kip nih elekson le inauguration kar ah tuahmi asi cio. VP Harris hi InnRangpi ah riantuantu lutlai ti khawh asi. President bawmtu cu si cu mu. Tu tiangah Nu lawngte (All-women) staff ai thim hna i(YahooNews) cheukhat cu an lau ko. Thlakhat ah ni 3 vui khat cu Inn rang khar lengmang dawh asi (Capo ). Nain, nu hi pa nak in office rian an tei deuh tuk. Hillary bantuk in diathlang in an um belte ah cun 6 millions $ le Bengazi bang kan hluan than te lai.

President Obama le Biden kong ah – CBS nih interview an tuahnak ah khan tling tein a um. President Obama nih “Biden] doesn’t need my advice, and I will help him in any ways that I can. Now, I’m not planning to suddenly work on the White House staff or something.” tiah a rak chim. Biden nih keimah ruahnak pek a herh lem lo. Bawmh khawh tawk cu ka bawmh lai ta. Inn Rangpi ah riantuan than ding tbtk kai tinhmi a um lo. Tiah a rak chim. ( President Obama i A Promised Land timi cauk cu ni khat chung ah uk 887000 leng an zuar khawh. Atuhi uk khat $25 in 1.7 millions leng an zuar cang. )

Cu tin asi ah cun, Pu Trump i a uih cangmi zawkor pi cu eibar cu chuak ti hlah si kaw, pakhat lawng abau. December 14 ni zanlei ah thil duak tiah a cang kho ve ti hmuh khawh asi. Rang pawl hman khawh asi rih ko. Nain, si dawh cu a lo lo. Hei cang sual seh law, America a buai taktak lai, thisen tiang an i luanh khawhmen te ding asi. Um… zei khom si ah Phekahnak ko a lomi a thurhnawm taktakmi US Politics cu, a kaphnih tein a rak hnawmtam hrim ko.

Leave a Reply